№ 51/52 «Almaty-2-Oral» baǵytyndaǵy jolaýshylar poıyzy qaıta jolǵa shyǵady
NUR-SULTAN. QazAqparat - «Jolaýshylar tasymaly» AQ №51/52 «Almaty-2 – Oral» baǵytyndaǵy poıyz 2020 jylǵy 2 jeltoqsannan bastap qaıta jolǵa shyǵatyny týraly habarlady.
Aktsıonerlik qoǵamnyń málimetinshe, poıyz Almaty-2 stansasynan jup kúnderi jóneltilip, Oral stansasyna 2020 jylǵy 4 jeltoqsannan bastap keletin bolady.
«Jolaýshylar poıyzdarynyń qozǵalys kestesi boıynsha barlyq aqparatty «105» nómiri arqyly alýǵa bolady. Ulttyq tasymaldaýshy jolaýshylardan jol júrý qujattaryn onlaın, sonyń ishinde resmı BILET.RAILWAYS.KZ saıty arqyly resimdeýlerin jáne koronavırýstyq ınfektsııanyń taralýy kezeńinde sanıtarlyq-epıdemıologııalyq talaptardy saqtaýdy suraıdy»,-delingen «Jolaýshylar tasymaly» AQ baspasóz qyzmetiniń habarlamasynda.
