5000 ónerpaz bala Almaty kóshelerimen júrip ótti
ALMATY. QazAqparat Almatyda Respýblıka alańynda 5000-ǵa jýyq ónerpaz oqýshy balalar mýzykalyq ujymdary sherýinde sap túzedi, dep habarlaıdy QazAqparat tilshisi.
Mundaı aýqymdy mádenı shara qalada birinshi ret ótkizilip otyr. Sharaǵa 8 aýdannan 120 mektep oqýshylary qatysty.
«Saltanatty sharaǵa daıyndyq 2 aı boıy jalǵasty. Biraq, daıyndyǵymyz balalardyń oqý bilimine kedergi keltirgen joq. Qaıta kóńildi ótti», - dedi joba úılestirýshisi Evgenıı Mahınov.
Jas ónerpazdar dombyra, baraban, daýylpaz, basqa da úrmeli aspaptarda oınap, bı bıledi.
«Bizdiń mektebimizden 14 qyz qatystyq. Bir aı boıy daıyndaldyq. Daıyndyq óte qyzyqty ótti», - dedi №308 mekteptiń oqýshysy Arýjan Seıdaly.
Aıta ketý kerek, atalǵan sherýdi ótkizýge baılanysty 30 mamyrdan bastap qaladaǵy jol qozǵalysynda ózgerister oryn aldy. Qazir Sátpaev kóshesiniń Jeltoqsan men Fýrmanov kósheleriniń arasyndaǵy bóligi áli de jabyq.
