500 myńǵa jýyq aýyl turǵyny skrınıngilik tekserýden ótti - Densaýlyq mınıstrligi
ASTANA. 11 shilde. QazAqparat - Aǵymdaǵy jyldyń 1 toqsanynda 500 myńǵa tarta aýyldaǵy eresek turǵyndar skrınıngilik tekserýden ótti.
Bul týraly búgin QR Densaýlyq saqtaý mınıstrliginde ótken alqa májilisinde belgili boldy.
Atalǵan vedomstvo baspasóz qyzmetiniń habarlaýynsha, 8 myńnan astam adam dıspanserlik esepke alynǵan. Aýyldaǵy 320 myń bala profılaktıkalyq tekserýlermen qamtylyp, 32,9 paıyzy saýyqtyrylsa, 33,6 dıspanserlik esepke tirkelgen.
Aýyl halqyna medıtsınalyq kómektiń qoljetimdiligin arttyrýǵa 49 jyljymaly medıtsınalyq keshender óz úlesin qosýda. Osyndaı «dóńgelektegi emhanalardy» paıdalana otyryp, aǵymdaǵy jyldyń І jarty jyldyǵynda 61 myń adam dárigerdiń qaraýynan ótti, 56 myńdaı zerthanalyq-dıagnostıkalyq zertteýler jasaldy jáne 68 myń keńes berildi.
«2012 jyldyń І jarty jyldyǵynda úsh konsýltatıvtik-dıagnostıkalyq poıyz mamandary respýblıkanyń ár túkpirindegi 141 stansanyń 40 myńnan astam turǵynyn, onyń ishinde 13 myńnan astam balany qarady. 140 myńǵa tarta dıagnostıkalyq is-sharalar, 260 myń shaǵyn ambýlatorııalyq otalar jasaldy. 9 myńnan asa adamǵa stamatologııalyq járdem kórsetildi», - delingen habarlamada.
