500 myńǵa jýyq sırııalyq Túrkııadan eline oraldy
ASTANA.KAZINFORM - Sońǵy 9 aıda 474 018 sırııalyq azamat Túrkııadan Sırııaǵa óz erkimen oraldy. Arab Respýblıkasynda bılik aýysqannan keıin óz erkimen elge oralý týraly ótinishter sany aıtarlyqtaı ósti, dep habarlaıdy Anadoly.
Bul týraly Túrkııanyń ishki ister mınıstri Álı Erlıkaıa málimdedi.
Mınıstr Túrkııanyń burynǵydaı sırııalyq bosqyndarǵa óz erkimen oralý satysynda qoldaý kórsetýin jalǵastyryp jatqanyn atap ótti.
— 2024 jyldyń 8 jeltoqsanynan beri 474 018 sırııalyq baýyrymyz otanyna oraldy. Ol 2016 jyldan beri óz erkimen oralǵan sırııalyqtardyń jalpy sany 1 mıllıon 213 620 adamǵa jetkenin atap ótti.
Erlıkaıanyń aıtýynsha, kóshi-qon protsesterin basqarý prezıdent Rejep Taıyp Erdoǵannyń basshylyǵymen júzege asyrylady jáne Túrkııa tarıhı tájirıbesi, gýmanıstik jáne máselege utymdy kózqarasynyń arqasynda búkil álemge úlgi.
Ol sırııalyqtardyń óz erkimen oralý protsesteriniń Kóshi-qon dırektsııasynyń úılestirýimen erekshe muqııattylyqpen júrgiziletinin aıtty.
Buǵan deıin bılik aýysqannan keıin 800 myńnan astam sırııalyq bosqyn eline oralǵanyn habarlaǵan bolatynbyz.