Boranda 500 qoıymen birge yǵyp ketken shopannan úsh kún habar bolmady

SEMEI. KAZINFORM — Abaı oblysynda joǵalǵan shopan aman tabyldy. 

14 aqpan tańǵy 07:00–de Abaı aýdanynyń polıtsııa bólimine habar túsken. Onda sharýa qojalyǵynda 54 jastaǵy shopannyń iz-túzsiz ketkeni aıtylady.

Er adam 532 bas qoıdy baǵyp ketken.

Dereý jedel shtab qurylyp, aýdandyq polıtsııanyń, tótenshe jaǵdaılar bóliminiń, sondaı-aq Abaı aýdany ákimdiginiń jeke quramy jumyldyryldy. 

30-dan astam qyzmetker 4 ÝAZ, ZIL-131 jáne 2 Nıva-MARSh kóligimen borandy kúnde dalada birge shopandy izdedi. 

«Aıaz kúsheıe tústi, dron ushyrý qıyn boldy. Tómen temperatýraǵa baılanysty ol isten shyqty, izdeý aýmaǵyn jaıaý aınalyp ótýge týra keldi», — deıdi jedel ýákil Bektursyn.

Bul jumys eki táýlik boıy júrgizildi. Іzdeý toby qystaýdan 30 shaqyrym jerde shopandy aman tapty.

Er adam dalada qatty daýyldyń saldarynan baǵytyn ózgertken. Ol úsimegen.

Sol kúni qoıshyny dárigerler tekserdi, onyń densaýlyǵyna qaýip tónip turǵan joq.

Mal da sharýa qojalyǵyna shyǵynsyz qaıtaryldy.