500 kelilik Egıpet turǵynyn emdeý úshin Úndistanǵa jetkizdi
ASTANA. QazAqparat - Álemdegi eń aýyr áıel bolyp sanalatyn, salmaǵy jarty tonnalyq Egıpet turǵyny Eman Ahmed Ab El Atı emdelý maqsatynda Úndistanǵa barǵan. Bul týraly Yahoo News habarlaıdy.
Operatsııadan buryn Emandy arnaıy dıetaǵa otyrǵyzǵan. Ol aldaǵy 25 kún boıy tek suıyq tamaq ishedi. Nátıjesinde 50 keli salmaq tastaıdy dep kútilýde.
Barıatrııalyq otanyń kómegimen taǵy 150 kılogramnan arylady dep boljanýda. Odan keıin, úndi mamandary áıeldi bes aı boıy fızıoterapııadan ótkizedi. Dárigerler emdeý sharasy aıaqtalǵannan keıin áıeldiń ózdiginen otyryp, tamaqtanatynynan úmittenýde.
