500-ge jýyq sheteldik kólikti zańsyz tirkegender anyqtaldy - Antıkor
NUR-SULTAN. QazAqparat - Nur-Sultan qalasy boıynsha Sybaılas jemqorlyqqa qarsy is-qımyl qyzmeti sotqa deıingi tergep-tekserý sharalary kezinde Arnaıy halyqqa qyzmet kórsetý ortalyqtary men polıtsııa qyzmetkerleriniń memlekettik tirkeýden ótken kólik quraldaryn tirkeý kezinde zańsyz baıýdyń qylmystyq shemasyn áshkerelep, jolyn kesti. Bul týraly QazAqparat Antıkordyń áleýmettik jelidegi paraqshasyna silteme jasap habarlaıdy.
Tergeý barysynda Nur-Sultan qalasynyń №2 Arnaýly halyqqa qyzmet kórsetý ortalyǵynyń mamany – T-nyń jáne Almaty oblysy boıynsha DPP Protsessıng ortalyǵynyń memlekettik avtoınspektorynyń zańsyz áreketterge qatysy bar ekeni anyqtaldy.
Atalǵan tulǵalar júıeli negizde kólik quraldaryn, onyń ishinde shet memleketterden ákelingen kólik quraldaryn kádege jaratý tólemin jáne bıýdjetke kózdelgen basqa da tólemderdi tólemeı, aqshalaı syıaqyǵa zańsyz tirkegen.
Aǵymdaǵy jyldyń 14 tamyzynda tergeý sotynyń sanktsııasymen kúdiktiler qamaýǵa alyndy.
Tergeýdiń osy kezeńinde respýblıka boıynsha kólik quraldaryn zańsyz tirkeýdiń 500-ge jýyq faktisi anyqtalyp, osyǵan baılanysty Arnaıy halyqqa qyzmet kórsetý ortalyqtary qyzmetkerleriniń jáne basqa óńirlerden polıtsııa qyzmetkerleriniń qatysýy tekserilýde.
Sotqa deıingi tergep-tekserý qorytyndysy boıynsha barlyq qatysy bar tulǵalarǵa quqyqtyq baǵa beriledi.
Tergeý múddesin kózdeıtin basqa aqparat jarııa etilmeıdi.
