500-ge jýyq sheteldik Qazaqstanda jumys isteýge ruqsat aldy
ASTANA. QazAqparat - Jyl basynan beri 480 sheteldik Qazaqstanda jumys isteýge ruqsat aldy, dep habarlaıdy QR Úkimeti basshysynyń saıty.
210 jumys berýshi 182,8 mln teńge mólsherinde salyq alymdaryn tóledi.
Ruqsat berý boıynsha memlekettik qyzmet tikeleı jergilikti atqarýshy organdarmen qosa «elektrondyq úkimet» portalynyń «biryńǵaı tereze» prıntsıpi arqyly da júzege asyrylady.
Eske sala keteıik, 2017 jyldyń 1 qańtarynan bastap Qazaqstanda sheteldik jumys kúshin tartýdyń jańa jeńildetilgen tártibiniń engizilýine baılanysty jumys ruqsattaryn berý merzimi qysqartyldy jáne jumys berýshilerge ákimshilik talaptar joıyldy.
«Osy erekshe sharttardyń ornyna jumys berýshi jergilikti bıýdjetke tóleıtin jańa salyq alymy engizildi. Alym mólsherlemesi sheteldik jumys kúshiniń sanaty men salasyna qaraı 137 AEK-den 250 AEK-ge deıingi shamada belgilenedi, bul 290 myń men 530 myń teńge aralyǵy», - dep málimdeıdi QR Eńbek jáne halyqty áleýmettik qorǵaý mınıstrliginde.
Bul rette jumys berýshilerge qoıylatyn kadrlarǵa jergilikti qamtylym jónindegi sharttardy saqtaý talaptary ózgermeıdi, ıaǵnı basshylar men olardyń orynbasarlary boıynsha keminde 70%, mamandar men bilikti jumysshylar boıynsha keminde 90%.
