500-den astam astanalyq ınternet alaıaqtarynan zardap shekti

ASTANA. QazAqparat - 500-den astam astanalyq ınternet alaıaqtarynan zardap shekti. Qaskóılerdiń kóbi Qazaqstan men Reseı jáne shekaralas respýblıkalardyń turǵyndary, dep habarlaıdy elorda ákimdiginiń medıa ortalyǵy.

Astana qalasynyń ІІD joq taýar men ónimdi satýmen aınalysatyn ınternet alaıaqtardyń kóbeıgenin habarlady.

ІІD Krımınaldyq polıtsııa basqarmasynyń bólim basshysy Talǵat Bólegenovtiń aıtýynsha alaıaqtar josparyn túrli taýardy óte tómen baǵamen usyný arqyly júzege asyrady.

"Satyp alýshy taýardyń aqshasyn 100% kólemde QIWI-ámııanǵa aýdarady. Aqsha aýdarylymy júzege asyrylǵan soń satýshy aqshamen qosa joq bolyp ketedi. Ári áleýmettik jelidegi akkaýntty óshirip tastaıdy", - deıdi Bólegenov.

Tártip saqshylarynyń aıtýynsha alaıaqtar tirkeý úshin jeke basyn kýálandyratyn qujat qajet etpeıtindikten QIWI-ámııandy paıdalanady. Bul tártip saqshylarynyń jumysyn qıyndatyp otyr.