500-den astam adam Pákistanda bolǵan jer silkinisiniń qurbany boldy
ASTANA. 28 qyrkúıek. QazAqparat - Pákistannyń ońtústik-batysyndaǵy Belýdjıstan provıntsııasynda seısenbi kúni oryn alǵan jer silkinisi qurbandarynyń sany 515 adamǵa deıin kóbeıdi.
Júzdegen adam jaraqat aldy. Medıtsına qyzmetkerleri aýrýhanalarda barlyq zardap shekkenderge oryn jetpeıtinin málimdedi. Áskerler tikushaqtarmen olardy kórshiles aımaqtarǵa shyǵarýda.
Seısmologtardyń aqparatyna qaraǵanda, zilzala kindigi Avaran qalasynan soltústik-shyǵysqa qaraı 66 shaqyrymda Belýdjıstan provıntsııasynyń aýmaǵynda, al jer silkinisiniń oshaǵy 20 shaqyrym tereńdikte bolǵan. Eń kúshti dúmpýdiń terbelisi 5,9 balǵa jetken.
