50 jyl «quldyqta» bolǵan úsh pil qutqaryldy
ASTANA. QazAqparat - «Wildlife SOS» uıymynyń tabıǵat qorǵaýshylary Reıa, Sıta jáne Mıa atty úsh pildi quldyqtan qutqardy. 50 jylǵa jýyq janýarlar kezbe tsırkpen kóship-qonyp júrgen, dep jazady «TASS» agenttigi.
«Wildlife SOS» quryltaıshysy Gıta Seshamanıdiń aıtýynsha, tsırkte pilderdi uryp-soǵyp, ash ustaǵan.
«Olarǵa veterınarlyq kómek te kórsetilmegen. Qazir pilder Úndistannyń soltústiginde Ýttar-Pradesh shtatyndaǵy Mathýra qalasyna jaqyn jerdegi jaıly qoraǵa jetkizildi», - dedi Seshamanı.
Gıtanyń aıtýynsha, ekologtar Sıta men Mıany ótken jyly qarashada bosatpaq bolǵan. Biraq tsırk ıesi olardy berýden bas tartqan.
Ekologtardyń pikirinshe, úsh pildi jas kezinde brakonerler ustap alyp, tsırkke satyp jibergen bolýy múmkin.
