50 jastaǵy Shymkent turǵyny bir keli marıhýanamen ustaldy
ASTANA. QazAqparat - Ońtústik Qazaqstan oblysy ІІD Esirtki bıznesine qarsy kúres basqarmasynyń qyzmetkerleri Shymkent qalalyq ІІB Ál-Farabı PB-niń qyzmetkerlerimen birlesip jedel-izdestirý sharasyn júrgizý barysynda esirtki zatyn saqtaýmen aınalysady degen kúdikpen 1967 jyly týǵan Jambyl oblysynyń turǵynyn ustady.
Kúdiktini tintý barysynda polıtseıler 50 jastaǵy er azamattan polıtelendi oramada marıhýana esirtki zatyna uqsas ósimdiktektes zatty tárkiledi.
Sot-krımınaldy saraptamasyna saı, tárkilengen zat salmaǵy 1kg asatyn marıhýana ekeni belgili boldy.
Atalǵan jaıt boıynsha QR QK 296-babymen «Esirtki, psıhotroptyq zattarmen, sol tektestermen, prekýrsorlarmen ótkizý maqsatynsyz zańsyz jumys isteý» qylmystyq is qozǵaldy. Kúdikti qamaýda. Sotqa deıingi tergeý amaldary bastaldy.
Qazirgi tańda tártip saqshylary osy jaıtqa baılanysty jan-jaqty tekserýler júrgizýde.
