50 jastaǵy qostanaılyq 432 keli esirtkini garajynda saqtap kelgen

QOSTANAI. QazAqparat – Rýdnyı qalasynyń polıtseıleri asa iri kólemde esirtki zattaryn saqtaǵan 50 jastaǵy er adamdy ustady, dep habarlaıdy QazAqparat oblystyq Polıtsııa departamentiniń baspasóz qyzmetine silteme jasap.

Kúdiktiniń garajynan 418 keliden astam kóknár, 14 keliniń ústinde gashısh, sondaı-aq, elektrondy tarazy men 750 myń teńge tabylǵan.

«Qazir ustalǵan azamatqa QR QK 297 babynda kózdelgen zańsyz esirtki saqtady degen aıyp taǵyldy. Kúdikti ýaqytsha tergeý ızolıatorynda otyr. Qylmysy dáleldense, 10 jyldan 15 jylǵa deıin bas bostandyǵynan aıyrylýy múmkin. Qylmystyq is barysynda arnaıy saraptamalar taǵaıyndalyp, sotqa deıingi tergeý sharalary júrip jatyr», - deıdi Qostanaı oblysy Polıtsııa departamenti bastyǵynyń orynbasary Qaırat Dúısembekov.

Polıtsııanyń málimetinshe, tárkilengen esirtki zatynyń quny 30 mln teńgeni quraıdy.