50 jastaǵy dánekerleýshi janar-jaǵarmaı býy qaldyǵynyń jarylysy saldarynan qaza tapty - QR TJM
ASTANA. 18 tamyz. QazAqparat - Juma kúni keshke Soltústik Qazaqstan oblysynyń Rýzaevka aýylynda, burynǵy «Pegas» kólikke janarmaı quıý stansysynyń aýmaǵynda dánekerleý jumystaryn ótkizý kezinde janar-jaǵarmaı býy qaldyǵynyń jarylysy bolyp, órtke ulasty.
QR TJM-niń baspasóz qyzmetiniń habarlaýynsha, órt bir saǵattan keıin sóndirildi. Onymen kúreste QR TJM Soltústik Qazaqstan oblystyq TJD-niń órt sóndirý qyzmetindegi jeke quramynyń 3 adamy men 1 tehnıkasy jumyldyryldy.
Oqıǵa ornynda «Korel» JShS-niń 50 jastaǵy dánekerleýshisiniń múrdesi anyqtaldy.
