50 jastaǵy almatylyq áıel marafonda 10 shaqyrym júgirdi
ALMATY. QazAqparat - Almatyda aýyr operatsııany basynan ótkizgen 50 jastaǵy áıel marafonda 10 shaqyrym júgirdi, dep habarlaıdy QazAqparat tilshisi.
50 jastaǵy Roza Baıseıitova osydan biraz ýaqyt ota jasatyp, toqpan jiliktiń jambasqa kiretin urshyǵy aýystyrylǵan.
Urshyq býyny - adam denesiniń eń úlken býyndary. Ol adamnyń denesi men aıaǵyn ushtastyrady. Demek, urshyq býynyna júgirýden kóp kúsh túsetini anyq.
Máre syzyǵyna jetken Roza Baıseıitova óziniń dárigerlerine alǵys bildirdi.
«Men ómirimde birinshi ret 10 shaqyrym qashyqtyqqa júgirdim. Urshyq býynymdy osydan birneshe jyl buryn aýystyrǵan bolatynmyn. Men úshin bul kórsetkish zor jetistik. Ózimniń dárigerlerim Arnat Ramazanuly, Erlan, Qanat myrzalarǵa alǵysymdy bildiremin», - dedi Roza Baıseıitova.
Aıta ketý kerek, 21 sáýirde Almaty marafon - 2019 qaıyrymdylyq sharasy ótken bolatyn. Oǵan Orta Azııa elderinen de júırikter qatysty. Barlyǵy 17 myń adam Almaty kóshelerimen túrli qashyqtyqqa júgirip ótti.
