50 vagon astyq janyp jatyr
ASTANA. QazAqparat - Kanadada Saskachevan provıntsııasynda lokomotıv pen taýarly poıyzdyń onǵa jýyq vagony relsten shyǵyp ketti, dep habarlady seısenbi kúni CBC telearnasy.
Oqıǵa Saskatýn qalasynan soltústikke qaraı temirjol ótkelide bolǵan. Relsten shyǵyp ketken lokomotıv pen birneshe vagon janarmaıdyń aǵýy saldarynan otqa oranǵan.
Canadian National Railway kompanııasynyń habarlaýynsha, eshkim zardap shekken joq. Bul poıyz quramyndaǵy 50 vagonǵa astyq tıelgen.
Apatqa baılanysty temirjoldy kesip ótetin shosse jabyldy. Tilsiz jaýdy aýyzdyqtaýǵa birneshe órt sóndirýshiler quramy jumyldyryldy.
Poıyz quramynyń relsten ne sebepti shyǵyp ketkeni aıtylmaı otyr.
Tergeý bastaldy.
