50 myń adam jınalady dep kútilgen rok-festıval ótpeıtin boldy
ALMATY. Tamyzdyń 3-i. QazAqparat /Erbol Azanbek/ - Tamyzdyń 7, 8-i kúnderi Almaty mańyndaǵy Ótegen batyr kentinde ótedi dep josparlanǵan «AppleRock» rok-festıvali bıyl ótkizilmeıtin boldy.
Bul týraly QazAqparatqa festıvaldiń uıymdastyrý komıtetinen habarlady.
Buǵan deıin habarlaǵanymyzdaı «AppleRock» elimizdegi eń iri rok festıval bolady dep josparlanǵan edi. Oǵan Reseıdiń «Okean Elzy», «Chıj ı So», «Smyslovye Gallıýtsınatsıı», «Krematorıı», «Lucky Wheel", «7 rasa», «Animal Jazz", «Zdob si Zdub, Aleksandr F.Sklıar, «Pılot», «Kırpıchı», «Lampasy», «Prıklıýchenııa Elektronıkov», «Tarakany» syndy tanymal toptary men qazaqstandyq «MotorRoller" jáne «Anomalııa» toptary qatysatyn bolǵan.
Uıymdastyrýshylardyń aıtýynsha, festıvaldiń ótkizilmeı qalýyna basty sebep - festıval ótetin aýdan ákimshiliginiń aýqymdy shara kezinde tótenshe jaǵdaı qalyptasýy múmkin dep qaýiptenýi bolǵan. Festıvaldi uıymdastyrýshylar satylǵan bıletterdiń aqshasy qaıtarylatynyn aıtady. Bıletterdi satyp alǵan oryndarǵa qaıta ótkizýge bolady.
