50 myń qazaqstandyq jalǵa berilgen úıdi jekeshelendiredi – mınıstr

ASTANA. KAZINFORM – Ónerkásip jáne qurylys mınıstri Qanat Sharlapaev jalǵa berilgen turǵyn úıdi jekeshelendirý saıasatynyń arqyly 50 myń azamat baspanaly bolatynyn aıtty.

— Turǵyn úı saıasatyn reformalaý sheńberinde, jergilikti atqarýshy organdardyń esepke qoıý, jáne úılerdi bólý fýnktsııalaryn ulttyq damý ınstıtýty Otbasy bankine berýdi kózdeıtin zań qabyldandy. Bul saıasat turǵyn úı alýdy qol jetimdi etedi, — dedi Qanat Sharlapaev Úkimet otyrysynda. 

Mınıstrdiń aıtýynsha, turǵyn úıdi bólý, tirkeý kúnine jáne tabys deńgeıine baılanysty júzege asyrylady. 

— Bul eń aldymen uzaq ýaqyt boıy kezekte turatyn azamattardy úımen qamtamasyz etýge múmkindik beredi. Sonymen qatar, áleýmettik osal toptarǵa jalǵa berilgen úılerdi jekeshelendirýge múmkindik berildi. Bul norma bıyl 4 jeltoqsanda kúshine endi. Osy sharanyń arqasynda 50 myńnan astam azamat úıli bolady. Jalpy reformalaý boıynsha qarastyrylǵan jańa ózgerister kelesi jyldyń mamyr aıynda kúshine engeli otyr, — dedi vedomstvo basshysy.