50 aýylda sý qubyr jelisin keńeıtý úshin bıýdjetten 40 mlrd teńge qajet – mınıstr

NUR-SULTAN. QazAqparat – Halyq sanynyń artýyna baılanysty 50 aýylda sý qubyry jelilerin keńeıtý qajet. Bul týraly QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Jyl saıyn halyq sany artýda. Tıisinshe sý tutyný kólemi de ulǵaıdy. Halyqtyń kóshi-qonyna baılanysty búgingi kúni 50 aýylda sý qubyry jelilerin keńeıtý qajet. Bul Aqmola, Almaty, ShQO, BQO, Jambyl, Qostanaı, Mańǵystaý, Túrkistan oblystary. Mysaly, Aqmola oblysynyń Qaraótkel aýylynda qazir 18 myńǵa jýyq adam turady. Al 2018 jyly salynǵan sý qubyrlary 8 myń adamǵa ǵana arnalǵan», - dedi Beıbit Atamqulov Úkimettiń búgingi otyrysynda.

Mınıstrdiń aıtýynsha, mundaı aýyldardańy sý qubyry jelisin keńeıtý úshin bıýdjetten 40 mlrd teńge bólý qajet.

«Ákimdikter bul aýyldar úshin jobalaý-smeta qujattamasyn tez arada ázirleýi qajet», - dedi B. Atamqulov.

Buǵan deıin B. Atamqulov sýmen qamtamasyz etý deńgeıin artyrý úshin kórsetkishteri tómen óńirlerge basym negizde qarajat bólinetinin aıtty.

Sondaı-aq, sýmen jabdyqtalmaǵan 1 922 aýyldyń máselesin sheshý úshin birqatar shara kózdelgen.