50 000 teńge para bergen esepshige jarty mıllıon aıyppul salyndy
ALMATY. QazAqparat - Almatyda esepshi memlekettik qyzmetshige bergen 50 000 teńge parasyn memleketke 10 ese etip qaıtaratyn boldy, dep habarlaıdy QazAqparat tilshisi.
Qalalyq Memlekettik kirister departamentiniń baspasóz qyzmeti habarlaǵandaı, qaladaǵy kásiporyndardyń biriniń esepshisi máselesin óz paıdasyna sheshkizý maqsatynda Bostandyq aýdandyq basqarmasynyń qyzmetshisine 50 000 teńge para usynǵan.
Kóp uzamaı esepshi memlekettik qyzmetshige para bergeni úshin qylmystyq jaýapkershilikke tartyldy.
Almaty ekonomıkalyq ister boıynsha aýdanaralyq soty esepshini QR QK 367-baby boıynsha aıypty dep taýyp, bergen parasyn 10 ese, ıaǵnı 50 myń teńgeni 500 myń teńge etip qaıtarýǵa úkim shyǵardy.
Qalalyq MKD azamattar arasynda memlekettik qyzmetshige para berý jaǵdaıyn kórgen bolsa, departamenttiń ishki qaýipsizdik bólimine habarlasýyn ótinedi. Bul úshin arnaıy 8-727-2995073, 87074135922 qyzyl jeli telefondary jumys jasaıdy.
«Іshki qaýipsizdik basqarmasy memlekettik kirister departamenti qyzmetkerleriniń tarapynan bolatyn quqyqbuzýshylyqtarmen qatar, salyq tóleýshiler tarapynan bolatyn quqyqbuzýshylyqtardyń aldyn alýǵa, jolyn kesýge keshendi jumystar júrgizip turady», - dedi departamenttiń baspasóz qyzmetinen.
