5 jyldyq bilim berýdi damytý membaǵdarlamasy negizgi maqsattarǵa qol jetkizgenimen áli de sheshilmegen problemalar bar
STANA. Qyrkúıektiń 2-si. QazAqparat /Marlan Jıembaı/ - Elimizdiń bilim berýdi damytýdyń 2005-2010 jyldarǵa arnalǵan memlekettik baǵdarlamasy negizgi maqsattarǵa qol jetkizgenimen bilim berý júıesinde áli de sheshilmegen problemalar bar. Bul týraly búgin Úkimet úıinde ótken selektorlyq keńes barysynda QR Bilim jáne ǵylym vıtse-mınıstri Mahmetqalı Sarybekov málim etti.
Osy jyly aıaqtalatyn atalmysh baǵdarlama boıynsha aldyn ala qorytyndy jasaýǵa bolatyndyǵyn aıtqan vıtse-mınıstrdiń sózine qaraǵanda, búgingi tańda qoldanystaǵy memlekettik baǵdarlama negizgi maqsattaryna qol jetkizgenine qarmastan bilim berý júıesinde áli de sheshilmegen problemalar bar.
«Olar qarjylandyrý kóleminiń azdyǵy, tıimsiz basqarý, pedagog kásibı bedeliniń tómendigi, bilim berý uıymdarynyń materıaldyq-tehnıkalyq, oqý-ádistemelik bazasynyń álsizdigi, mektepke deıingi bilimmen qamtýdyń tómendigi, shaǵyn jınaqty mektepterdiń kóp bolýy, tehnıkalyq jáne kásiptik joǵary bilim túlekteriniń biliktilik deńgeıiniń eńbek naryǵy talaptaryna sáıkes kelmeýi», dedi M.Sarybekov.
