5 jyldan keıin Qazaqstanda joǵary bilim týraly memlekettik úlgidegi dıplom berý toqtatylady
ASTANA. QazAqparat - 2021 jyldan bastap Qazaqstanda joǵary bilim týraly memlekettik úlgidegi dıplomdardy berýden bas tartý kózdelip otyr. Bul týraly búgin Astanada Bilim jáne ǵylym mınıstrliginiń keńeıtilgen alqa májilisinde atalǵan vedomstvonyń basshysy Erlan Saǵadıev málim etti.
«Bul óz kezeginde bilim sapasy úshin joǵary oqý oryndarynyń jaýapkershiligin arttyra túsedi», - dep túsindirdi E. Saǵadıev.
Onyń sózinshe, JOO-larda rektorlardy taǵaıyndaý rásiminde ashyqtyqty arttyrý josparlanyp otyr. Negizgi ólshem retinde usynylǵan adamnyń abyroı-bedeli, kandıdatpen tanystyrylǵan joǵary oqý ornyn damytý baǵdarlamasynyń sapasy eskeriledi.
Mınıstrdiń aıtýynsha, memleket halyqty memlekettik qyzmettermen tolyqtaı qamtamasyz etkende sybaılas jemqorlyqpen eń tıimdi kúrestiń nátıjesi baıqalady. Sonymen qatar retteý sharalarynda memlekettiń róli tómendep, naryqtyq tetik kúsheıedi jáne sheshimderdiń transparanttiligi qamtamasyz etiledi.
