5 jylda sút ımporttyn almastyrý máselesi tolyq sheshiledi - AShM
«Sútti mal sharýashylyǵy sektorynda ımportty almastyrý mindetine sáıkes, sútti-taýarly fermalar jelisin qurý jáne keńeıtý jobalary júzege asyrylyp jatyr. 2019 jyly qýattylyǵy 40 myń tonna sút óndiretin 8 ónerkásiptik jáne 14 otbasylyq ferma qoldanysqa berildi. Alaıda, 464 myń tonna kóleminde sút ımporty bar», - dedi S. Omarov Úkimet otyrysynda.
Onyń aıtýynsha, mınıstrlik aldynda jyl saıyn 25 sútti-taýarly fermalardy júzege asyrý boıynsha úlken mindet tur.
«Jalpy 5 jyl ishinde qaıta óndelgen sút óndirisi kólemin 500 myń tonnaǵa arttyrý arqyly ımportty almastyrý máselesin tolyq jabý josparlanǵan. Oblys ákimdikterimen birlesip áleýetti sútti-taýarly fermalardyń jobalary pysyqtaldy. Óńirlermen bıyl 32 ónerkásiptik sútti-taýarly fermasyn salý jáne 43 otbasylyq fermany qaıta jabdyqtaýǵa qarjylandyrý usynyldy. 7 ónerkásiptik sút fermasy jobalary boıynsha qarjylandyrý máselesi sheshildi, bir joba óz qarajaty esebinen júzege asyrylyp jatyr. Basqa jobalar boıynsha qarjylandyrý bıyl «Qarapaıym zattar ekonomıkasy» baǵdarlamasy boıynsha qosymsha bólingen 400 mlrd teńge aıasynda júzege asyrylatyn bolady», - dep túsindirdi mınıstr.
Mınıstrlik tarapynan «QazAgro» UBH AQ-men birlesip kazirgi ýaqytta ınvestıtsııalyq jobalardy qarjylandyrý kezinde kepildik talaptary ońtaılandyryldy.
«Sútti-taýarly fermalardy júzege asyrǵan ınvestorlarǵa ınvestıtsııalyq joba boıynsha jumsalǵan shyǵyndaryn sýbsıdııalaý túrindegi qoldaýlar jáne de qaıta óndeýge ótkizilgen sút baǵasyn arzandatý boıynsha sýbsıdııalaý túrindegi memlekettik qoldaýlar kórsetiledi», - dedi vedomstvo basshysy.
