5 jylda Qazaqstannyń iri qalalaryndaǵy turǵyndar sany 15 paıyzǵa artty - Asqar Mamın
Óńirlerdi damytýdyń 2020-2025 jyldarǵa arnalǵan memlekettik baǵdarlamanyń jobasy talqylanǵan búgingi Úkimet otyrysy barysynda Asqar Mamın sońǵy 5 jylda Qazaqstannyń iri qalalaryndaǵy turǵyndar sany 15 paıyzǵa artqanyn aıtty. Sonymen qatar aýyl turǵyndarynyń ómir súrý sapasyn jaqsartýǵa da nazar aýdardy.
«Elbasynyń tapsyrmasyna sáıkes, taıaý 7 jylda negizgi basymdyqty »Aýyl - el besigi« baǵdarlamasyn júzege asyrýǵa salamyz. Bul shamamen 7 mln aýyl turǵynynyń ómir sapasyn jaqsartatyn bolady. Bul shamamen aýyl turǵyndarynyń 90 paıyzyn quraıdy», - dedi Úkimet basshysy.
Premer-Mınıstr Ulttyq ekonomıka mınıstrligi usynǵan óńirlerdi damytýdyń memlekettik baǵdarlamasynda bul mindetter kórsetilgendigin atap ótti.
«Óńirlik standarttar júıesi boıynsha ósý áleýeti joǵary jáne spýtnık aýyldar nysandarymen, sonymen qatar bazalyq memlekettik jáne áleýmettik qyzmettermen 100 paıyz qamtamasyz etiledi. Jalpy, memlekettik baǵdarlamanyń usynylǵan tásilderin maquldaýdy usynamyn. Ulttyq ekonomıka mınıstrligine baǵdarlama jobasyn belgilengen tártippen Prezıdent ákimshiligimen kelisý jáne tıisti qaýlyny Úkimet músheleriniń daýys berýine shyǵarýdy tapsyramyn. Roman Vasılevıch, baqylaý sizge júkteledi», - dedi Asqar Mamın orynbasary Roman Sklıarǵa qarata.
