5 jylda Astananayń JІÓ-si 1,6 esege ósti

- Baǵdarlamany iske asyrýdyń nátıjesinde Astana barlyq óńirler arasynda turaqty jetekshi orynǵa taban tiredi. Bes jyldyń ishinde jalpy óńirlik ónimniń kólemi naqty kórsetkishte 1,6 esege ósti. Onyń qorytyndysy boıynsha Astana ekonomıkalyq ósim qarqyny boıynsha kósh bastady. Qala ekonomıkasyna 3,2 trln tartyldy, bul 1997 jyldan beri tartylǵan ınvestıtsııalardyń jalpy kóleminiń jartysyn quraıdy. Ekonomıka men halyqtyń iskerlik belsendiliginiń artýymen áleýmettik-mádenı salada da oń ózgerister baıqalady, - dedi qalalyq Ekonomıka jáne bıýdjettik josparlaý basqarmasy basshysynyń orynbasary Aıjan Túgelbaeva.

Medıtsınalyq-áleýmettik kórsetkishterge kelsek, bes jylda halyqtyń sany shamamen tórtten birge ósti, osy ýaqyt ishinde 110 myń bala dúnıege kelgen.

Sondaı-aq, bilim berý júıesinde de aıtarlyqtaı kórsetkishterge qol jetkizildi. Bes jylda memlekettik bilim berý tapsyrysy aıasynda 8 myń oryndyq 31 balabaqsha men 20 myń oryndyq 18 jańa mektep paıdalanýǵa berildi.

Atalǵan kezeńde 90 myń jańa jumys orny ashyldy, «Jumyspen qamtý jol kartasy - 2020» baǵdarlamasy boıynsha 4,8 myń adam kásibı oqytýmen qamtyldy, 12 myńnan astamy jumysqa ornalastyryldy. Nátıjesinde, jalpy jumyssyzdyq deńgeıi 6,2%-dan 4,7%-ǵa deıin tómendedi - bul elimizdegi eń tómen kórsetkish. Al ortasha aılyq eńbekaqy 111 myńnan 191 myń teńgege deıin, 1,7 esege artty.

Esepti kezeńde dene shynyqtyrýmen jáne sportpen aınalysatyn halyqty qamtý kórsetkishi 1,5 esege ulǵaıdy, balalarǵa arnalǵan sporttyq sektsııalar kontıngenti tórt esege ósti.

Talqylaý barysynda depýtattar eriktilerdiń qozǵalysy men elordalyq aýla klýbtarynyń jumysyna qatysty máselelerdi qaıta kóterdi. Qazirgi kezde olardyń damýynda oń úrdis baıqalady, biraq olardyń qyzmeti zań júzinde bekitilmegen.