5 jylda agrarlyq sektorǵa 4,4 mlrd dollar ınvestıtsııa tartyldy- Shókeev
Kazakhstan Global Investment Roundtable jıynynda Premer-Mınıstrdiń orynbasary - QR Aýyl sharýashylyǵy mınıstri Ómirzaq Shókeev ınvestorlarǵa Qazaqstannyń agroónerkásiptik keshenindegi mol múmkindikterdi tanystyrdy.
Onyń aıtýynsha, qazir eksporttyq múmkindikterdi arttyrý jumystary júrgizilýde.
«Iranǵa soıylǵan qoı etin muzdatylǵan jáne salqyndatylǵan túrinde jetkizý kedergileri joıyldy, sonyń nátıjesinde ótken jyly alǵash ret Iranǵa 4763 bas 129,5 tonna tiri qoı men 509,8 tonna qozy eti eksporttaldy.
Budan basqa, Saýd Arabııasy men Birikken Arab Ámirlikterine iri jáne usaq mal jetkizýge shekteýler alynyp tastaldy. Sonymen qatar, Birikken Arab Ámirlikterine et jáne et ónimderin taýyq jumyrtqalaryn jetkizý úshin kedergiler joıyldy, - dedi Aýyl sharýashylyǵy mınıstri.
Búginde Qazaqstanda birqatar iri ınfraqurylymdyq jobalar (Qytaı shekarasynda Qorǵas porty, Kaspıı teńizindegi Aqtaý porty, «Batys Eýropa - Batys Qytaı» halyqaralyq tranzıt dálizi iske asyrylýda.
Atalǵan ınfraqurylymdyq jobalardyń aıasynda qytaı naryǵy Qazaqstannan ımporttalatyn aýyl sharýashylyǵy ónimderine ıaǵnı, muzdatylǵan sıyr jáne qoı, balyq, bal, tiri jylqylar, sondaı-aq bıdaı, kebek, soıa, jońyshqa, raps júni, un, ósimdik maıyn tasymaldaýǵa jol ashylǵan.
Qazaqstan úshin eksporttyq basymdyq eń aldymen et ónimderi, sıyr jáne qoı eti. Osy turǵyda Qazaqstan agroónerkásiptik keshendi memlekettik retteý ishki naryqtyń qorǵalýyna, syrtqy saýda naryǵyn keńeıtý men saýda-logıstıkalyq ınfraqurylymdy damytýǵa basa nazar aýdarýda.
«Sońǵy 5 jylda agrarlyq sektor 4,4 mlrd dollar ınvestıtsııa tartty, al osy jyldyń birinshi toqsanynda 136 mln dollar ınvestıtsııa tartyldy, bul ótken jyldyń sáıkes kezeńimen salystyrǵanda 25 %-ǵa artyq.
Ústimizdegi jyldyń 3 aıynda aýyl sharýashylyǵy ónimderin eksporttaý 47 % -ǵa ósti, onyń ishinde óńdelgen ónimderdiń eksporty 26 %-dy quraıdy», - dedi Premer-Mınıstrdiń orynbasary - QR Aýyl sharýashylyǵy mınıstri Ó.Shókeev.