5 jylda 120 myńnan astam muǵalim biliktilikti arttyrýdyń jańa baǵdarlamasymen qamtylýy tıis
ASTANA. 5 qyrkúıek. QazAqparat - Búgin Astanadaǵy Nazarbaev Ýnıversıtetinde «Qazaqstan bilim qoǵamy jolynda» taqyrybynda ınteraktıvti dáris oqý barysynda Memleket basshysy Nursultan Nazarbaev Úkimetke jaqyn besjyldyqta 120 myńnan astam muǵalimdi qaıta daıarlaýdan ótkizýdi tapsyrdy.
Sóz arasynda Memleket basshysy muǵalimderdiń kásibı biliktiligin arttyrý jáne ustazdardy materıaldyq yntalandyrý máselesine basa nazar aýdarǵan bolatyn. «Biz pedagogtardy qaıta daıarlaýdyń jańa, úshdeńgeıli júıesin engizdik. Bul eń ozyq pedagog-praktıkterdiń tájirıbesi negizinde áirlengen bolatyn. Osy rette Úkimetke taıaýdaǵy besjyldyqta 120 myńnan astam muǵalimdi kásibı biliktilikti arttyrýdyń jańa baǵdarlamasymen oqytyp shyǵýdy júkteımin», - dedi N. Nazarbaev.
Sonymen qatar, Prezıdent derbes mektepterdi damytý máselesine de kóńil bólý qajettigin eskertti.
