5 jyldan uzaq merzimge kepilsiz tutynýshylyq nesıe berý shekteledi: Shekteý kimderge qatysty

ASTANA. KAZINFORM  — Qarjy naryǵyn retteý jáne damytý agenttigi «Qazaqstan Respýblıkasynyń keıbir normatıvtik quqyqtyq aktilerine bank jáne mıkroqarjylyq qyzmetti retteý máseleleri boıynsha ózgerister engizý týraly» agenttik basqarmasy qaýlysynyń jobasyn ázirledi. 

Joba bank jáne mıkroqarjylyq qyzmetti retteý máseleleri boıynsha normatıvtik quqyqtyq bazany jetildirý maqsatynda ázirlendi jáne tutynýshylyq kredıt berýdiń ósý qarqynyn shekteýge jáne azamattardyń shamadan tys borysh júktemesin boldyrmaýǵa baǵyttalǵan.

Joba tómendegideı erejelerdi qamtıdy:

— jeke tulǵalardyń kásipkerlik maqsattarǵa beriletin qaryzdaryna (DK joq) qaryz alýshynyń borysh júktemesiniń koeffıtsıentin (BJK) esepteý jónindegi talapty qoldaný;

— 30 kúnnen artyq tólem merzimi ótken, tıimsiz qaıta qurylymdaý (keıin merzimi ótip ketken nemese bereshek somasy tómendemegen qaıta qurylymdaý) kezinde 5 jyldan astam merzimi bar kepilsiz tutynýshylyq qaryz, sońǵy 36 aıda keshirilgen qaryzdardy berýge tyıym salýdy engizý;

— 3 jyldan 5 jylǵa deıingi merzimmen kepilsiz tutynýshylyq kredıtter boıynsha BJK-nyń eń joǵary mánin 0,25-ke deıin, sondaı-aq sońǵy 12 aıda 90 kúnnen astam merzimi ótken qaryz alýshylar úshin shekteý;

— 3 jyldan astam merzimge berilgen kepilsiz tutynýshylyq qaryzdardy 350% deńgeıde táýekel-saralaýdy qamtamasyz etý;

— Ipotekalyq turǵyn úı qaryzdaryn qaıta qarjylandyrý baǵdarlamasyn iske asyrý sheńberinde qaryzdarǵa BJK esepteý boıynsha talapty alyp tastaý;

— naqty alynatyn kiris somasyn asyra baǵalaýdy bolǵyzbaý maqsatynda mindetti zeınetaqy jarnalary men jeke tabys salyǵyn resmı kiristerden alyp tastaý. 

Aıta ketelik Almatyda 25 adamnyń atynan zańsyz nesıe rásimdegen jas jigit ustalǵan edi.