5 jylda geologııalyq barlaý jumystaryna 12 mlrd teńge shetel ınvestıtsııasy tartyldy
ASTANA. KAZINFORM – 2024 jyly ótkizilgen jer qoınaýyn paıdalaný quqyǵyna arnalǵan aýktsıondardyń qorytyndysynda el bıýdjetine 5,7 mlrd teńgeden astam qarjy tústi. Bul týraly agenttiktiń resmı saýalyna oraı Ónerkásip jáne qurylys mınıstrliginen málim etti.

Vedomstvo deregine sáıkes, sońǵy jyldary elimizge tómendegi ınvestorlar keldi:
Rio Tinto Mining and Exploration Limited — Ulybrıtanııa;
FMG International Exploration PTE. LTD. — Avstralııa;
Arras Minerals Corp. - Kanada;
FQM Kazakhstan limited — Kanada;
Skyfall LTD — Ulybrıtanııa;
Sarytogan graphite Limited — Avstralııa;
Pallas Resources Limited — Ulybrıtanııa;
Bartosh Tomash Karykovskı — Ulybrıtanııa;
Nidden Owl Pty Ltd — Ulybrıtanııa;
Ivanhoe Mines Limited — Ulybrıtanııa;
East Star Resources PLC — Ulybrıtanııa;
IG Asia LLC — Avstralııa — Sıngapýr;
Esan — Túrkııa.
- Joǵaryda atalǵan sheteldik ınvestorlar odan ary ıgerý úshin jer ýchaskelerin geologııalyq barlaý jobalaryn júzege asyrady. Osyǵan baılanysty ınvestorlar qatty paıdaly qazbalardy barlaýǵa qajetti lıtsenzııa alǵan. Jer qoınaýyn paıdalanýshylardyń esep berý derekterine sáıkes, atalǵan ınvestorlardyń geologııalyq barlaýǵa salǵan ınvestıtsııasynyń jalpy kólemi shamamen 12 mlrd teńgni quraıdy: 2021 jyly — 3,4 mlrd teńge, 2022 jyly — 4,6 mlrd teńge, 2023 jyly — 4,0 mlrd teńge. 2024 jylǵy málimetter joq. Óıtkeni, ótken jyldyń esebinen jer qoınaýyn paıdalanýshylar 2025 jyldyń 30 sáýirine deıin usynady, - dep túsindirdi mınıstrlikten.
Qazaqstanǵa ıýnıor kompanııalar men álemdik alyptar keldi: Fortescue, Barrick, BHP, First Quantum Minerals. Al Rio Tinto men otandyq kompanııalar izdeý alańdaryn ulǵaıtty.
Búginde RioTinto men Fortescue 13 myń sharshy shaqyrym aýmaqty zerttep jatyr. Geologııalyq barlaýǵa jumsaǵan ınvestıtsııasy 9 mlrd teńgege jýyqtaıdy.
Koreılik KIGAM ınstıtýty «Taý-ken Samuryq» kompanııasymen birlesip, Aral mańynda lıtıı izdeý jumystaryna kiristi. Sonymen qatar Barrick, BHP, Teck, First Quantum kompanııalary da halyqaralyq aýqymdaǵy ken oryndaryn tabý maqsatynda jer qoınaýyn barlaý jumystaryn júrgizýde.
- Tek 10 sheteldik kompanııa ǵana geologııalyq barlaýǵa shamamen 41 mlrd teńge ınvestıtsııa salýdy josparlap otyr. Bul 25 myń sharshy shaqyrymnan astam aýmaqty zertteýge múmkindik beredi. 2024 jyly ótkizilgen aýktsıondardyń qorytyndysynda bıýdjetke jalpy túsim somasy 5,7 mlrd teńgeden astam boldy. Munan bólek, osy jyldyń 29 qańtarynda ótkizilgen 21 ken orny boıynsha aýktsıon qol qoıylatyn bonýsynyń jalpy somasy 20 mlrd teńge bolatyn jeńimpazdardy anyqtady, - dep atap ótedi mınıstrlikten.
Buǵan deıin Qanat Sharlapaev qandaı paıdaly qazbalar boıynsha geologııalyq barlaý júrgizý qajettigin aıtqan bolatyn.