5 jeltoqsan. Tulǵalar týǵan kún

ASTANA. QazAqparat - Búgin, ıaǵnı 5 jeltoqsan kúni tulǵalardan kimder dúnıege kelgen? QazAqparat oqyrmandaryna týǵan kúnder kúntizbesin usynady.

66 jyl buryn (1956) Qazaqstan Respýblıkasy Parlamenti Senatynyń depýtaty, Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń múshesi Muhtar Sabyruly JUMAǴAZIEV dúnıege keldi.

Aqtóbe oblysy Isataı aýdany Qobylandy aýylynda týǵan. Almaty maldárigerlik ınstıtýty, Almaty ekonomıka jáne statıstıka ınstıtýtyn bitirgen.

1980-1985 jyldary – Aqtóbe oblysy Qobda aýdany «Qobda» keńsharynda zootehnık-selektsıoner, bas zootehnık; 1985-1990 jyldary – «Ilıch» ujymsharynyń partkom hatshysy; 1990-1994 jyldary – Qazaqstan KP Qobda aýdandyq komıteti uıymdastyrý bóliminiń meńgerýshisi, aýyl sharýashylyǵy basqarmasy bastyǵynyń orynbasary; 1994-1996 jyldary – «Serp ı Molot» ujymshary basqarmasynyń tóraǵasy; 1996-1997 jyldary – Isataı aýdanynyń ákimi; 1997-2006 jyldary – Qobda aýdanynyń ákimi; 2006-2007 jyldary – oblystyq avtomobıl joldary jáne jolaýshylar tasymaly basqarmasynyń bastyǵy; 2007-2010 jyldary – Qarǵaly aýdanynyń ákimi; 2010-2011 jyldary – Oıyl aýdanynyń ákimi; 2011-2014 jyldary – oblystyq aýyl sharýashylyǵy basqarmasynyń bastyǵy; 2014-2017 jyldary – Aqtóbe oblysy ákiminiń orynbasary.

Qazirgi qyzmetinde 2017 jylǵy maýsymnan.

Qazaqstan Respýblıkasynyń «Qurmet» ordenimen, «Eren eńbegi úshin» medalimen, sondaı-aq mereıtoılyq medaldarmen marapattalǵan. Aqtóbe oblysynyń 2003 jylǵy «Jyl adamy».

59 jyl buryn (1963) Qazaqstan Respýblıkasynyń Parlamenti Májilisiniń VIІ shaqyrylym depýtaty, Agrarlyq máseleler komıtetiniń múshesi Fahrıddın Ábdinabıuly QARATAEV dúnıege keldi.

Ońtústik Qazaqstan oblysynyń Saıram aýdany, Qarabulaq aýylynda týǵan. «Jeńil óndiris mashına apparattarynyń ınjener mehanıgi» mamandyǵy boıynsha Jambyl tehnologııalyq jeńil óndiris ınstıtýtyn bitirgen.

Eńbek jolyn 1981 jyly Jambyl teri shıkizat zavody tsehynyń 2-razrıadty taraz ólshegishi bolyp bastaǵan.1981-1982 jyldary – Jambyl teri shıkizat zavody tsehynyń teri taqtaýshysy; 1984-1985 jyldary – Jambyl teri tazalaý zavody tsehynyń tarazy ólshegishi; 1985-1987 jyldary – Jambyl aýdany bıdaı jınaý qoımasynyń daıarlaýshysy, jumysshysy. 1987 jyly – Qarataý fabrıkasynyń 6-razrıadty jumysshysy. 1987-1991 jyldary – Aqsý óndiristik kombınatynyń jumysshysy, aǵa sheberi, jabdyqtaý jáne ótkizý bóliminiń bastyǵy. 1992-1993 jyldary – shyny ydys tsehynyń basshysy, aǵa jabdyqtaýshy. 1993-1994 jyldary – «Frýnze» sovhozynyń bas ınjeneri. 1996 jyly – Qarabulaq aýyl okrýginiń ákimi qyzmetin ýaqytsha atqarýshy. 1996-2004 jyldary – Qarabulaq aýyl okrýginiń ákimi. 2004 jyly – Saıram aýdany ákiminiń keńesshisi. 2004-2006 jyldary – «Janýbıı Qozoǵıston» oblystyq qoǵamdyq-saıası gazetiniń bas redaktory. 2006 jyly – Saıram aýdany ákiminiń orynbasary. 2007-2012 jyldary – «Nur Otan» HDP Saıram aýdandyq bólimi tóraǵasynyń birinshi orynbasary. 2012-2015 jyldary – jeke kásipkerlikpen aınalysty. 2015-2016 jyly – «Janýbıı Qozoǵıston» oblystyq qoǵamdyq-saıası gazetiniń dırektory - bas redaktory. 2016-2021 jyldary – QR Parlamenti Májilisiniń VI shaqyrylym depýtaty.

Qazirgi qyzmetinde 2021 jyldyń qańtar aıynan bastap.

43 jyl buryn (1979) Aqmola oblysy Qosshy qalasynyń prokýrory Erbolat Erkinuly JÚSІP dúnıege keldi.

Soltústik Qazaqstan oblysynda týǵan. Qazaq memlekettik zań akademııasyn, quqyqtaný mamandyǵy boıynsha bitirgen.

Eńbek joly: prokýratýra organdaryndaǵy qyzmetin 2001 jyly bastaǵan, ár ýaqytta Kókshetaý qalasy prokýrorynyń kómekshisi, aǵa kómekshisi, Aqmola oblysy prokýratýra basqarmasynyń prokýrory, Batys óńirlik kólik prokýratýrasy bóliminiń bastyǵy, Aqmola oblysy prokýratýra basqarmasynyń bastyǵy, Bas kólik prokýratýrasy basqarmasynyń bastyǵy, Soltústik Qazaqstan oblysy Ýálıhanov aýdany prokýrory, Aqmola oblysy prokýratýrasy apparatynyń basshysy – basqarma bastyǵy qyzmetterin atqarǵan.

2021 jylǵy tamyzdan bastap qazirgi laýazymynda.