5 jeltoqsan kúni elimizdiń birqatar aımaǵynda burqasyn, kóktaıǵaq, tuman kútiledi - Qazgıdromet
ASTANA. 4 jeltoqsan. QazAqparat - 5 jeltoqsan kúni QR-nyń birqatar aımaǵynda burqasyn, kóktaıǵaq, tuman kútiledi, dep habarlady «Qazgıdromet» RMK-nyń baspasóz qyzmetinen.
Máselen, Aqtóbe oblysynda aýanyń temperatýrasy +2+4 gradýs jylylyqty kórsetedi, jaýyn-shashyn kútilmeıdi, keı ýaqyttary tuman túsip, kóktaıǵaq bolady.
Atyraý oblysynda 10 gradýs jyly bolady, 18 m/s jyldamdyqpen jel soǵyp, kóshpeli bult júredi, jaýyn-shashyn kútilmeıdi.
Mańǵystaý oblysynda +12+14 gradýs, jańbyr jaýady, tańerteń tumannyń túsýi kútiledi.
Batys Qazaqstan oblysynda aýanyń temperatýrasy +4+6 gradýsqa deıin kóteriledi, kún bultty, azdaǵan jańbyr jaýady.
Qostanaı oblysynda 0+2 gradýs jyly bolady, kóshpeli bul júredi, jaýyn-shashyn bolmaıdy.
Soltústik Qazaqstan oblysynda aýanyń temperatýrasy mınýs -1-3 gradýsty kórsetedi, jaýyn-shashyn bolmaıdy.
Aqmola oblysynda -3-5 gradýs sýyq bolady, jaýyn-shashyn túspeıdi, jaıaý burqasyn júrip, kóktaıǵaq bolady, ekpindi jel soǵady.
Pavlodar oblysynda -8-10 gradýs sýyq bolady, túnde jeldiń kúshi 15-20 m/s deıin jetedi, qar jaýyp, burqasyndatady, kóktaıǵaq bolady.
Qaraǵandy oblysynda -2-4 gradýs nólden tómen bolady, túnde qar jaýady.
Shyǵys Qazaqstan oblysynda -2-4 gradýs sýyq bolady, 15-20 m/s jyldamdyqpen jel soǵady, kún bultty, qar jaýyp, burqasyndatady.
Almaty oblysynda -4-6 gradýs jyly, kóshpeli bul júredi, jaýyn-shashyn bolmaıdy.
Jambyl oblysynda +9+11 gradýs, jaýyn-shashynsyz.
Ońtústik Qazaqstan oblysynda +13+15 gradýs jyly, jaýyn-shashynsyz.
Qyzylorda oblysynda +5+7 gradýs nólden joǵary, tuman túsedi.
Almaty qalasynda +5+7 gradýs jyly bolady, aýyspaly bulttylyq, jaýyn-shashynsyz, túnde jáne tańerteń tuman túsedi.
Qazaqstan elordasy Astana qalasynda erteń kúndiz -2-4 gradýs aıaz bolady, túnde jel ekpini 15-20 m/s deıin jetedi, kóshpeli bul júredi. Túnde qar jaýady, jaıaý burqasyn júrip, kóktaıǵaq bolady.
