5 jasynda shashyn eriksiz qıdyrdy
ASTANA. 27 naýryz. QazAqparat - "Brıtanııalyq Lıenn Smıt uly Rınniń shashyn týǵannan beri birde-bir ret almaǵan" dep jazady Daily Mail ınternet-gazeti.
Rınniń buıra sary shashy ákesi Nıl Karterdiń shashyna uqsaǵan eken. Jas kelinshektiń balasynyń shashyn qıdyrmaýynyń sebebi osynda bolsa kerek.
5 jasar Rınniń shashy belinen tómen edi jáne ol burym oǵan esh kedergi keltirmeıtin. Bar bále mektepke barǵanda bastalypty. Synyptastary Rındi qyzǵa uqsaǵany úshin keleke ete bastaıdy. Tipti oǵan "Rapýntsel" dep at ta qoıady. "Rapýntsel" degen ertegidegi qyzdyń esimi. Onyń burymy shyn máninde Rınniń shashynan aınymaıdy. Balalardyń mazaǵynan ábden mezi bolǵan Rın anasynan shashtarazǵa aparýyn ótinedi.
Lıenn balasynyń shashyn qıdyrar aldynda aýrý balalarǵa arnap aqsha jınaıtynyn habarlaıdy. Az ýaqyttyń ishinde 82 fýnt sterlıng jınalyp, ony ol naýqas balalarǵa tapsyrdy. "Ulymnyń shetinen qıylyp jatqan shashyn kórgende... júregim aýyrdy", - deıdi Lıenn Smıt.
Aıtpaqshy, Rınniń 2 jasar Rıgan atty inisi bar. Uldarynyń shashyn ósirip úırengen Lıenn Rıgannyń shashyn da ary qaraı ósire berýi múmkin.
