5 jastan 24 jasqa deıingi Qazaqstan azamattarynyń sany 4,5 mln. adamdy quraıdy
ASTANA. Jeltoqsannyń 10-y. QazAqparat /Qanat Mámetqazyuly/ - 5 jastan 24 jasqa deıingi Qazaqstan azamattarynyń sany 4,5 mln. adamdy quraıdy. Búgin QR Parlamenti Májilisinde «Qazaqstandyq jastardy patrıottyq tárbıeleýdiń roli: problemalar, perspektıvalar, sheshý joldary» taqyrybynda ótken dóńgelek ústel jıynynda QR Bilim jáne ǵylym vıtse-mınıstri Mahmetqalı Sarybekov osylaı málim etti,
dep habarlaıdy QazAqparat.
«Bilim alý adam ómiriniń birshama kezeńin qamtıdy. Mektepke deıingi kezeńmen, joǵary oqý ornyn aıaqtaǵanǵa deıingi ýaqyt arasynda tulǵa qalyptasady. Sondyqtan da, patrıottyq tárbıe negizinde qoıylǵan mindetterdi júzege asyrýda bilim berý júıesi mańyzdy bolyp tabylady», dedi vıtse-mınıstr.
Onyń aıtýynsha, qazirgi kezeńde 5 jastan 24 jasqa deıingi Qazaqstan azamattarynyń sany 4,5 mln. adamdy quraıdy. Bul - el turǵyndarynyń 30 paıyzy. «Patrıottyq tárbıe berý mektep tabaldyryǵyn attaǵan kúnnen bastap júzege asady. Onda Otan, halyq birligi, tuńǵysh Prezıdenttiń róli syndy túsinikter qalyptassa, birshama ýaqyttan soń oqýshylar Qazaqstan tarıhy, mádenıettaný jáne saıasattaný pánderi arqyly azamattyq sanany qalyptastyrýǵa jol ashady», dedi M. Sarybekov.
