5 jasqa deıingi balalar arasynda KVI juqtyrý deńgeıi boıynsha Qostanaı oblysy kósh bastap tur
NUR-SULTAN. QazAqparat - 2020 jyldyń jeltoqsan aıynyń basynan elimizde 5 jasqa deıingi balalar arasynda koronavırýs ınfektsııasyn juqtyrýdyń 365 jaǵdaıy jáne 6-18 jas aralyǵyndaǵy balalar arasynda 780 jaǵdaı tirkelgen, dep habarlaıdy QazAqparat tilshisi.
Ondaǵy derekterge qaraǵanda, 5 jasqa deıingi balalar arasynda KVI juqtyrý deńgeıi boıynsha eń joǵary kórsetkish – Qostanaı oblysynda, 77 faktisi anyqtalǵan. Shymkent qalasy, Almaty, Aqtóbe jáne Jambyl oblystarynda bir faktiden tirkelgen. Al Qyzylorda oblysynda jeltoqsan aıynyń basynan 5 jasqa deıingi balalar arasynda KVI-di juqtyrýdyń birde-bir faktisi tirkelgen joq.⠀
6 jas pen 18 jasqa deıingi KVI juqtyrǵan balalardyń basym bóligi Pavlodar oblysynda tirkelgen, 3 apta ishinde 165 bala indetti juqtyrǵan. Jáne Shyǵys Qazaqstan oblysynda 147 fakti, Qostanaı oblysynda 120 jáne Nur-Sultan qalasynda 108 jaǵdaı tirkelgen.
Mańǵystaý jáne Túrkistan oblystarynda eki jaǵdaıdan anyqtalǵan. Shymkent qalasy men Qyzylorda oblysynda atalǵan kezeńde bul sanattaǵy balalar arasynda KVI juqtyrý deregi tirkelmegen.⠀
Sonymen qatar, 2020 jyldyń 1 jeltoqsanynan Qazaqstanda 5 jasqa deıingi balalar arasynda COVID-19 belgileri bar pnevmonııamen syrqattanýdyń 49 oqıǵasy tirkeldi. Olardyń basym bóligi Aqmola oblysynda oryn alǵany anyqtaldy (16 fakt). 6 jastan 18 jasqa deıingi balalar arasynda indettiń 88 jaǵdaıy tirkelgen, eń kóbi – Shyǵys Qazaqstan oblysynda (10 jaǵdaı) oryn alǵan.
