5 jasar nemereme qyzylshaǵa qarsy vaktsına saldyrdym – mınıstr
Qyzylshaǵa qarsy vaktsına qaýipsiz. Bul týraly Densaýlyq saqtaý mınıstri Ajar Ǵınııat málim etti, dep habarlaıdy Kazinform.
«Jalpy, halyq tarapynan senim bar. 10 aıdyń ishinde josparly vaktsınatsııalaýǵa kelmegenderdiń paıyzy az, 10 paıyz ǵana. Olar shyndyǵyna kelgende antıvakserler dep atalatyn keıbir sarapshylarǵa qulaq asatyn adamdar. Dinı nanym-senimine baılanysty bas tartatyn adamdar da kezdesedi», - dedi mınıstr Ortalyq kommýnıkatsııalar qyzmetindegi brıfıngte.
Onyń atap ótýinshe, qazirgi ýaqytta elimizde kishkentaı balalardyń arasynda qyzylsha órship tur. Sondyqtan mınıstrlik halyq arasynda túsindirý jumysyn kúsheıtip otyr.
«Bul jumysty ózimnen bastadym. Vaktsına qaýipsiz, tıimdi, oǵan senýge bolatynyn úlgi retinde kórsetý úshin 5 jastaǵy nemeremdi emhanaǵa aparyp, vaktsına saldyrdym», - dedi Ajar Ǵınııat.
