5 jasar qyzdy óltirgen Astananyń 18 jastaǵy turǵyny ustaldy
ASTANA. 3 qazan. QazAqparat - Astana qalasy ІІD tergeý basqarmasynyń qyzmetkerleri kishkentaı qyzdyń óltirilýi oqıǵasyn izin sýytpaı ashty, dep habarlady vedomstvonyń baspasóz qyzmeti.
Jedel-izdestirý sharalarynyń barysynda Astana qalasynyń 18 jastaǵy jumyssyz turǵyny ustaldy. Ol óziniń tanysynyń úıinde, úı ıesi áıeldiń joqtyǵyn paıdalanyp, 5 jasar qyzyn zorlap, óltirgen, budan keıin qyzdyń denesin dıvannyń astyna jasyryp, iz sýytqan.
Úıine oralǵan anasy qyzyn taba almaı, polıtsııa shaqyrǵan. Polıtseıler balanyń denesin taýyp, kúdiktini izdeýge kirisken.
Kisi óltirgen jas jigitti polıtseıler sol kúni ustady jáne ol qylmysyn moınyna aldy. Qazirde ol Astana qalasy ІІD-niń ýaqytsha oqshaýlaý abaqtysyna qamaldy. Qylmystyq is qozǵalyp, tergeý amaldary júrgizilýde.
