5 jasar qostanaılyqtar avtomektepterge baryp júr
QOSTANAI. QazAqparat - Qostanaıdaǵy balalar avtomektebi 5 jasar balalardy oqýǵa qabyldap jatyr, dep habarlaıdy QazAqparat tilshisi.
«AVS» dep atalatyn balalar avtomektebi 2017 jyly ashylǵan bolatyn. Aıta keteıik, bul - Qazaqstandaǵy jalǵyz balalarǵa arnalǵan avtomektep. Mundaǵy bilikti oqytýshylar jolda júrý erejeleri, jaıaý júrginshilerdiń joldaǵy tártibi týraly úırenýde.
«Balany erte jastan bastap jol júrý erejelerine úıretý túrli jol apattarynyń aldyn alýǵa kómektesedi. Sol sebepti, biz oqýshylardyń jazǵy demalystaryn durys maqsatta ótkizýdi qolǵa aldyq», - dep esepteıdi jergilikti polıtsııa qyzmetiniń aǵa ınspektory Elena Maǵasumova.
Polıtsııa maıorynyń aıtýynsha, sabaqtar aldymen teorııa júzinde ótkiziledi. Keıin, epti balalar 3D avtotrenajerine otyrady. Avtodromdaǵy sabaqtarda kvadrotsıklder, elektromobılderden tys kádimgi avtokólikter qoldanylady.
«Balalardy jalyqtyryp almaý úshin túrli qurastyrmalar, kórkemsýretter paıdalanylady. Keıbir jattyǵýlar óleń joldary túrinde ótedi. Bastysy, balalar jolda júrý erejelerin bilip qoımaıdy, kúndelikti turmystaǵy jalpy erejelerdi de úırenedi», - deıdi Qostanaı oblystyq avtomektepter qaýymdastyǵynyń tóraǵasy ıÝlııa Solopova.
Búginde avtomektep balalardy 5 jastan qabyldaıdy. Sabaq aptasyna bir ret ótedi.
