5 jáne 9 synyp oqýshylarynyń oqý jetistikterin baǵalaý boıynsha monıtorıngtik zertteý júrgizilip jatyr
ASTANA. 10 qazan. QazAqparat - 2012 jylǵy 1-30 qazan aralyǵynda elimizdiń barlyq aımaqtarynda bilim berý uıymdarynan táýelsiz «Qazaqstannyń jalpy bilim beretin mektepteriniń 5 jáne 9 synyp oqýshylarynyń oqý jetistikterin baǵalaý» monıtorıngtik zertteýi júrgiziledi.
QR Bilim jáne ǵylym mınıstrliginiń málimetinshe, zertteýdi ótkizýdiń maqsaty - oqýshylardyń jaratylystaný-matematıkalyq daıyndyǵy men deńgeıin, olardyń oqý jetistikterine áser etetin faktorlardy anyqtaý. Zertteý quraly halyqaralyq tájirıbedegi tujyrymdamalyq turǵyǵa sáıkes qurastyrylǵan.
Zertteýge 5 000 astam 5, 9-synyp oqýshylary, 96 mektep dırektory, 672 jaratylystaný-matematıkalyq tsıkl muǵalimderi qatysady. Zertteý nátıjesiniń obektıvti bolýy úshin mekteptiń ornalasqan jeri men oqytý tili, túri men tıpi, oǵan qatysýshylarynyń sandyq ózara araqatynas ustanymy qoldanylǵan.
Zertteý aıasynda oqýshylar ózderine qyzyqty logıkalyq tapsyrmalarmen jumys istep, pán muǵalimderi keleshekte ony oqý úderisinde paıdalanyp, al bilim berý uıymdarynyń basshylary zertteý qorytyndysy boıynsha basqarýshylyq sheshimderin qabyldaı alatyn bolady.
Zertteýdi júrgizý QR BǴM Ulttyq bilim berý statıstıkasy jáne baǵalaý ortalyǵyna júkteledi.
