5 tamyzǵa deıin jumysy jandanatyn nysandarǵa qandaı talaptar qoıylady
«Ózderińiz biletindeı karantın sharalary aıaqtalǵannan keıin birinshi kezekte jumysy jandanatyn kásipkerlik sýbektileriniń aldyn ala tizimi jasalǵan bolatyn. Bul – oıyn-saýyq ortalyqtary, saýda úıleri, jabyq sanattaǵy azyq-túliktik jáne azyq-túliktik emes bazarlar, balalardyń korrektsııalyq kabınetteri, bilim berý ortalyqtary, balalardy damytý ortalyqtary, toptyq úıirmeler (bes baladan aspaýy kerek), balalardyń mektepke deıingi mekemeleri (kezekshi top rejıminde jumys isteýge ruqsat), sán-salondary, kosmetıkalyq qyzmet kórsetetin ortalyqtar (aldyn ala jazylý boıynsha). Aldaǵy eki aptada kásipkerliktiń osy sýbektileri kúsheıtilgen daıyndyq jumystaryn júrgizýi kerek. Keshe ǵana vedomstvoaralyq komıssııanyń otyrysynda osy máseleniń bárin qaradyq», - dedi ol OKQ-daǵy baspasóz máslıhatynda.
Eraly Toǵjanovtyń aıtýynsha, árbir nysan boıynsha sanıtarlyq rejımniń naqty sharalary qabyldanatyn bolady.
«5 tamyzǵa deıin Densaýlyq saqtaý mınıstrligi jumysy jandanatyn nysandarǵa qoıylatyn sanıtarlyq talaptardy ázirlep, jarııalaıdy. Ol boıynsha kásipkerlik nysandary sanıtarlyq maskalyq rejım, áleýmettik qashyqtyq, sanıtaızerler boıynsha talaptardy qatań saqtaýǵa mindetteledi», - dedi ol.