5 tamyzda elimizdiń birqatar óńirinde kún qatty ysıdy – Qazgıdromet

ASTANA. QazAqparat – Atmosferalyq frontaldy bólikterdiń ótýine baılanysty 5 tamyzda elimizdiń basym bóliginde aýa raıy turaqsyz bolady, jańbyr jaýyp, naızaǵaı oınaıdy, dep habarlaıdy QazAqparat «Qazgıdromet» RMK-ǵa silteme jasap.

Qazaqstannyń ońtústiginde, batysynda jaýyn-shashynsyz aýa raıy bolady dep boljanady. Elimizdiń soltústiginde, soltústik-batysynda túnde jáne tańerteń tuman túsip, kúndiz soltústik-shyǵysta, respýblıkanyń shyǵysynda burshaq jaýýy múmkin.

Kúndiz Almaty, Atyraý, Batys Qazaqstan oblystarynda, Jetisý, Ulytaý oblystarynda, Aqtóbeniń ońtústiginde, Qaraǵandy ​​oblystarynda jáne Abaı oblysynda kúndiz qatty ystyq bolady: 35-39°S. Jambyl, ońtústik, soltústik-batysta jáne Mańǵystaý oblystarynda da qatty ystyq bolady: 38-40°S.

Jetisý oblysynyń ońtústiginde, soltústiginde, Almaty oblysynyń ortalyǵynda kúndiz 40-42°S qatty ystyq saqtalady.

Aqmola, Atyraý, Batys Qazaqstan, Soltústik Qazaqstan oblystarynyń ońtústiginde joǵary órt qaýpi bar.

Mańǵystaý, Túrkistan, Almaty, Jambyl, Qyzylorda, Shyǵys Qazaqstan, Qaraǵandy, Qyzylorda oblystarynda, Ulytaý, Jetisý, Abaı oblystarynda, Qostanaıdyń ońtústiginde, Aqtóbe qalasynyń ortalyǵynda, Atyraýdyń batysynda, shyǵysynda, Aqmola oblystarynyń ońtústiginde, batysynda tótenshe órt qaýpi saqtalady.