5 tamyz kúngi Qazaqstandaǵy mańyzdy oqıǵalarǵa sholý
NUR-SULTAN
15.00-de Elordadaǵy Dostyq úıinde, Qazaqstan halqy Assambleıasynyń qoldaýymen Eýrazııalyq shyǵarmashylyq gıldııasy (London) «Azııa shyńdary» halyqaralyq kórmesi ótkiziledi.
ALMATY
Túngi saǵat 10-nan 1-ge deıin Energııa tıimdiligi jáne ınfraqurylymdy damytý basqarmasy «Ashyq esik kúnin» ótkizedi, shara barysynda azamattar sýmen jáne gazben jabdyqtaýǵa qatysty ótinishter bere alady. Jınalys qalalyq ákimdiktiń ǵımaratynda ótedi.
11.00-den bastap Almaty qalasy Áýezov aýdanynyń Halyqqa qyzmet kórsetý ortalyǵynda (Jandosova 51) qoǵamdyq kelisim men ulttyq birlik salasyndaǵy medıatsııany damytý maqsatynda jáne QR «Medıatsııa týraly» Zańynyń (5 tamyz 2011 j.) qabyldanǵan kúnine oraı, Qazaqstan halqy Assambleıasy «Respýblıkalyq biryńǵaı medıatsııa kúnin» ótkizedi.
Saǵat 15.00-de QR Ortalyq memlekettik mýzeıinde «Rýhanı jańǵyrý» memlekettik baǵdarlamasy aıasynda jáne Otyrar qalasy qorǵanysynyń 800 jyldyǵyna arnalǵan «Otyrar memlekettik arheologııalyq murajaı-qoryǵy» RMK birlesken «QAMALY BEKEM, HALQY QAISAR – OTYRAR» kórmesiniń ashylý saltanaty ótedi.
