5 tamyz aýa raıynyń boljamy: Qazaqstannyń basym aýmaǵy antıtsıklonnyń yqpalynda bolyp, soǵan baılanysty jaýyn tyıylady

Tek respýblıkanyń batysy men shyǵysy jańbyr, naızaǵaı jáne ekpindete soǵatyn jelmen baılanysty frontaldy bólinis aýmaǵynda bolady, dep habarlady QR TJM baspasóz qyzmeti Qazgıdromet málimetterine silteme jasap.

Mańǵystaý, Atyraý, Batys Qazaqstan, Aqtóbe, Qaraǵandy oblystarynyń keı jerinde jel ekpini sekýndyna 15-20 metrge jetedi. Atyraý oblysynda shań boraıdy. Soltústik Qazaqstan, Aqmola, Pavlodar oblystarynda túnde jáne tańerteń tuman basady. Shyǵys Qazaqstan oblysynyń keı jerlerinde jel jyldamdyǵy sekýndyna 15-20 metrge jetip, kúndiz burshaq jaýýy múmkin.

Mańǵystaý, Qyzylorda, Ońtústik Qazaqstan, Jambyl, Almaty oblystarynda aptap ystyq saqtalady. Al respýblıkanyń ońtústiginde óte joǵary órt qaýpi saqtalady.

Taıaý táýlikte Ońtústik Qazaqstan, Jambyl, Almaty jáne Shyǵys Qazaqstan oblystarynyń taý ózenderinde sý deńgeıiniń aýytqýy baıqalady. Qazaqstannyń basqa sý nysandarynda aıtarlyqtaı ózgerister oryn almaıdy.