5 tamyz kúni tuman túsip, naızaǵaı oınap, shańdy daýyl kóteriledi

ASTANA. KAZINFORM — «Qazgıdromet» RMK málimetinshe 5 tamyz kúni Qazaqstannyń 16 óńirinde, sondaı-aq Astana men Shymkent qalalarynda daýyldy eskertý jarııalandy. 

Astana qalasynda túnde jáne tańerteń tuman túsedi.

Abaı oblysynyń soltústiginde túnde jáne tańerteń tuman bolady. Oblystyń ońtústiginde jáne ortalyǵynda tótenshe órt qaýpi saqtalady.

Aqtóbe oblysynyń soltústigi men batysynda kúndiz naızaǵaı boljanady. Jel ońtústikten batysqa aýysyp, kúndiz oblystyń soltústigi men shyǵysynda ekpini 15-18 m/s deıin jetedi. Oblystyń batysynda joǵary órt qaýpi saqtalsa, ońtústiginde tótenshe órt qaýpi kútiledi.

Aqmola oblysynyń batysynda, soltústiginde jáne ońtústiginde túnde jáne tańerteń tuman bolady. Jel ońtústik-batystan, batystan soǵady, kúndiz oblystyń batysy men ońtústiginde ekpini 15-20 m/s.

Atyraý oblysynyń soltústigi men batysynda kúndiz naızaǵaı boljanady. Jel kúndiz soltústik pen batysta ońtústik-shyǵystan soǵyp, ekpini 15-20 m/s deıin jetedi. Kúndiz aptap ystyq — 35-36°C. Oblystyń soltústiginde, shyǵysynda jáne ońtústiginde tótenshe órt qaýpi saqtalady, al batysynda joǵary órt qaýpi kútiledi.

Shyǵys Qazaqstan oblysynyń soltústigi men shyǵysynda naızaǵaı bolady. Túnde jáne tańerteń tuman bolady. Jel soltústik-batystan soǵady, kúndiz oblystyń shyǵysynda ekpini 15-20 m/s.

Jambyl oblysynda túnde taýly aýdandarda, kúndiz ońtústikte jáne taýly aımaqtarda naızaǵaı boljanady. Jel soltústik-shyǵystan soǵady, oblystyń ońtústik-batysy, soltústik-shyǵysy jáne taýly aýdandarynda ekpini 15-20 m/s. Oblystyń soltústigi, batysy jáne shyǵysynda tótenshe órt qaýpi saqtalady.

Jetisý oblysynyń taýly aımaqtarynda jáne kúndiz shyǵysynda naızaǵaı bolady. Jel soltústik-shyǵystan soǵyp, shyǵysynda, ortalyǵynda jáne taýly aýdandarda ekpini 15-20 m/s, keıde kúndiz 23-28 m/s deıin jetýi múmkin. Oblystyń ońtústiginde tótenshe órt qaýpi saqtalady.

Batys Qazaqstan oblysynyń batysy men soltústiginde naızaǵaı jáne burshaq kútiledi. Kúndiz aptap ystyq — 35-38°C. Jel ońtústik-shyǵystan, ońtústikten soǵady, oblystyń batysy men soltústiginde ekpini 15-20 m/s. Batysta, ońtústikte jáne ortalyqta — joǵary, al ońtústik-shyǵysta — tótenshe órt qaýpi saqtalady.

Qaraǵandy oblysynda jel soltústik-shyǵystan soǵady, keıin soltústik-batysqa aýysady. Túnde jáne tańerteń oblystyń ońtústiginde ekpini 15-20 m/s. Ońtústikte tótenshe órt qaýpi saqtalady.

Qyzylorda oblysynda kúndiz ortalyqta, soltústikte jáne ońtústikte shańdy daýyl kútiledi. Jel soltústik-shyǵystan soǵyp, tańerteń jáne kúndiz oblystyń ortalyǵy, soltústigi jáne ońtústiginde ekpini 15-20 m/s. Oblystyń ońtústik bóliginde tótenshe órt qaýpi saqtalady.

Qostanaı oblysynyń batysynda tańerteń jáne kúndiz naızaǵaı boljanady. Jel ońtústik-shyǵystan soǵyp, keıin ońtústik-batysqa aýysady, kúndiz oblystyń batysynda ekpini 15-20 m/s. Ońtústiginde tótenshe órt qaýpi saqtalady.

Mańǵystaý oblysynyń ońtústigi men batysynda túnde jel ońtústik-shyǵystan soǵady, ekpini 15-18 m/s. Kúndiz aptap ystyq — 38°C. Soltústik-shyǵysynda joǵary, al batysy, ońtústigi men ortalyǵynda tótenshe órt qaýpi saqtalady.

Pavlodar oblysynyń batysy men ońtústiginde túnde jáne tańerteń tuman bolady. Jel soltústik-batystan soǵady, kúndiz oblystyń soltústigi men shyǵysynda ekpini 15-20 m/s. Soltústiginde joǵary órt qaýpi saqtalady.

Soltústik Qazaqstan oblysynyń batysy men ońtústiginde túnde jáne tańerteń tuman bolady.

Túrkistan oblysynyń soltústiginde kúndiz shańdy daýyl boljanady. Jel soltústik-shyǵystan soǵyp, oblystyń soltústigi, batysy jáne taýly aýdandarynda ekpini 15-20 m/s deıin jetedi. Búkil oblys aýmaǵynda tótenshe órt qaýpi saqtalady.

Ulytaý oblysynyń ońtústiginde tótenshe órt qaýpi saqtalady.

Shymkent qalasynda kúndiz soltústik-shyǵystan jel soǵyp, ekpini 15-20 m/s. Qalada tótenshe órt qaýpi saqtalady.