5 shildege arnalǵan aýa raıy boljamy
STANA. 5 shilde. QazAqparat - 5 shilde kúni atmosferalyq aǵymdardyń ótýine baılanysty kún raıynyń turaqsyz sıpaty saqtalady, jekelegen aýmaqtarda jańbyr jaýady, naızaǵaı oınaıdy, burshaq túsip, jel kúsheıýi yqtımal.
Bul týraly Qazgıdrometke silteme jasap, TJM habarlady.
Jambyl, Ońtústik Qazaqstan, Pavlodar, Soltústik Qazaqstan, Shyǵys Qazaqstan, kúndiz Qostanaı oblystarynda jeldiń ekpini sekýndyna 15-22 metrge jetedi, al Shyǵys Qazaqstan oblysynda 25-28 metrge deıin jetedi.
Boljam boıynsha, Almaty oblysynda keı jerlerde jeldiń jyldamdyǵy sekýndyna 17-22 metrge artyp, shańdy daýyl turady.
Qaraǵandy oblysynda jekelegen aýdandarda 15-20 m/s kúshpen jel soǵady, kúndiz keı jerlerge burshaq túsýi múmkin.
Aqmola, Mańǵystaý oblystarynda túnde tuman turady, Aqmola oblysynyń jekelegen aýdandarynda jeldiń jyldamdyǵy 15-20 m/s-qa jetedi.
Elimizdiń soltústik-batysynda, ońtústik-shyǵysynda, ońtústigi men ortalyǵynda keı jerlerde joǵary órt qaýpi kútiledi.
Jaqyn táýlikterde respýblıkanyń ońtústigindegi, ońtústik-batysy men shyǵysyndaǵy taýlardyń etegindegi ózenderde sýdyń kólemi aýytqıdy. Jazyq jerlerdegi ózenderde gıdrologııalyq rejımde eleýli ózgerister baıqalmaıdy.
