5 shildeden beri 4,3 myń karantın buzý faktisi tirkelgen

NUR-SULTAN. QazAqparat - Búgin ótken koronavırýs máseleleri jónindegi jedel shtab otyrysynda karantın talaptaryn buzý faktileri sóz boldy, dep habarlaıdy QazAqparat.

Jıynda Іshki ister mınıstrligi bıylǵy 5 shildeden bastap karantındi buzýdyń 4,3 myń faktisi anyqtalǵanyn baıandady. Bul rette Pavlodar, Qyzylorda, Qostanaı, Aqtóbe jáne Batys Qazaqstan oblystarynda olardy anyqtaý boıynsha jumystyń jetkiliksizdigi atap ótildi.

Sondaı-aq, jedel shtab azamattardyń sanıtarlyq jáne maska rejımin saqtaý máselelerine erekshe nazar aýdardy.

Aıta keteıik, búgin QR Premer-Mınıstriniń orynbasary Eraly Toǵjanovtyń tóraǵalyǵymen COVID-19 máseleleri jónindegi jedel shtabtyń otyrysy ótip, onda memlekettik organdardyń koronavırýspen kúreste atqaryp jatqan jumysy tyńdaldy.

Sonymen qatar jıynda koronavırýspen kúreste jumysty álsiretip alǵan óńirler atalǵan edi.