5 shilde. Tulǵalar týǵan kún

ASTANA. QazAqparat – Búgin, 5 shilde tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

42 jyl buryn (1981) QR Syrtqy ister mınıstri keńsesiniń basshysy Áset Ibraımuly BAISYNOV dúnıege keldi.

E.A.Bóketov atyndaǵy Qaraǵandy memlekettik ýnıversıtetin quqyqtaný mamandyǵy boıynsha (2002), QR Prezıdenti janyndaǵy Memlekettik basqarý akademııasyn (memlekettik jáne jergilikti basqarý magıstri) (2006), «Bolashaq» baǵdarlamasy boıynsha Dıýk ýnıversıtetin (AQSh) (halyqaralyq damý saıasaty magıstri) (2015) boıynsha támamdaǵan.

Eńbek joly: QR Ekonomıka jáne bıýdjettik josparlaý mınıstrligi Quqyqtyq qamtamasyz etý bóliminiń jetekshi mamany (2002-2003); QR Bilim jáne ǵylym mınıstrligi Halyqaralyq yntymaqtastyq basqarmasynyń jetekshi mamany (2003-2004); QR Іshki ister mınıstrliginiń ınspektory (2004-2006); QR Qorshaǵan orta mınıstrligi zańnamany reformalaý jáne quqyqtyq saraptama bóliminiń basshysy (2006-2007); QR Premer-Mınıstri Keńsesiniń Memlekettik qyzmet jáne kadr jumysy bóliminiń bas sarapshysy (2007-2009); Soltústik Qazaqstan oblysy Qyzyljar aýdany ákiminiń áleýmettik máseleler jónindegi orynbasary (2009-2011); QR Bilim jáne ǵylym mınıstrligi Ǵylym komıteti forsaıt jáne josparlaý basqarmasynyń basshysy (2011-2012); QR Memlekettik qyzmet isteri agenttigin irikteý jáne jyljytý monıtorıngi sektorynyń meńgerýshisi (2012-2015); Ońtústik Qazaqstan oblysy ákimi apparaty basshysynyń orynbasary (2015-2016); QR Qorǵanys jáne aeroǵarysh ónerkásibi mınıstrligi ǵylymı-tehnologııalyq damý departamentiniń dırektory (2017-2019); QR Syrtqy ister mınıstri Keńsesiniń meńgerýshisi. Qazaqstan Respýblıkasynyń Italııa Respýblıkasyndaǵy Elshiliginiń keńesshisi bolǵan.

Qazirgi qyzmetinde – 2019 jyldyń mamyrynan.

29 jyl buryn (1994) Qazaqstan Respýblıkasy Aýyl sharýashylyǵy vıtse-mınıstri Ábilqaıyr Ǵalymuly TAMABEK dúnıege keldi.

Jambyl oblysynda týǵan. Joǵary bıznes mektebin bitirgen – Lýıs Ulttyq ýnıversıteti, WSB-NLU, Polsha, menedjment (2015); Qazaqstan Respýblıkasy Prezıdentiniń janyndaǵy Memlekettik basqarý akademııasy, memlekettik jáne jergilikti basqarý (2019).

Eńbek joly: «Dáke Barlaý» JShS kadrlar bóliminiń ınspektory, Almaty qalasy (2011 j.), sarapshy; QR Qorǵanys jáne aeroǵarysh ónerkásibi mınıstrligi Memlekettik materıaldyq rezervter komıtetiniń personaldy basqarý jáne qujattamalyq qamtamasyz etý qyzmetiniń basshysy; QR Tsıfrlyq damý, qorǵanys jáne aeroǵarysh ónerkásibi mınıstrligi Memlekettik materıaldyq rezervter komıtetiniń Kadrlyq jumys jáne qujat aınalymy qyzmetiniń basshysy; QR Ulttyq ekonomıka mınıstrligi Memlekettik materıaldyq rezervter komıtetiniń personaldy basqarý jáne qujattamalyq qamtamasyz etý qyzmetiniń basshysy; QR Tsıfrlyq damý, ınnovatsııalar jáne aeroǵarysh ónerkásibi mınıstrligi Adam resýrstaryn basqarý departamenti Adam resýrstary basqarmasynyń bas sarapshysy (2019-2020), bólim basshysy; Jambyl oblysy ákimdiginiń jerdiń paıdalanylýy men qorǵalýyn baqylaý basqarmasynyń bas memlekettik ınspektory (2020-2022); QR Aýyl sharýashylyǵy mınıstrligi Jer resýrstaryn basqarý komıteti Jambyl oblysy boıynsha jer resýrstaryn basqarý basqarmasynyń basshysy, Jerdi paıdalaný jáne qorǵaý jónindegi bas memlekettik ınspektory (02.2022-04.2022).

2022 jyldyń sáýir aıynan bastap qazirgi qyzmetinde.