5-shi Stambýl opera jáne balet festıvali «Birjan-Sara» qoıylymymen ashylmaq
ASTANA.QazAqparat - «Birjan-Sara» operasy taǵy da Túrkııada kórsetiledi. Túriktiń tórt iri Stambýl, Ankara, Eskishahar jáne Býrsa qalalarynda TÚRІKSOI jáne Samýnsk opera jáne balet teatrynyń halyqaralyq uıymy qazaq kompozıtory Muqan Tólebaevtyń «Birjan-Sara» operasyn usynbaq.
Eske sala keteıik, 2013 jyly bul týyndy alǵash ret túrik kórermenderiniń nazaryna usynylǵan. Qazaq kompozıtorynyń operasy erekshe áser etkeni sonshalyq, birneshe túrik festıvaldary ony óz baǵdarlamalaryna engizdi. 5-shi Stambýl opera jáne balet festıvali «Birjan-Sara» qoıylymymen ashylmaq.
Halyqaralyq jobanyń bul jolǵy qoıylym toby - alty túrki elderiniń ókilderi. Qyrǵyzstannyń eńbek sińirgen ártisi Sadyrbek Jumashev - Birjan saldy, al Saranyń rólin eki operalyq sulý qyzdar: «Astana-Opera» teatrynyń Qazaqstandyq jetekshi oryndaýshysy Jupar Ǵabdýlına men Tatarstannyń jas opera ánshisi Regına Valıeva somdaıdy. Aıar áıel Altynaıdyń rólin qyrǵyzstandyq operalyq oryndaýshy Ásel Bekbaeva men Ózbekstannyń Ferıýza ıÝsýpova somdaıdy. Janbotanyń rólin Qazaqstan Respýblıkasynyń eńbek sińirgen artisi, akademık, professor Shahımardan Ábilov alyp shyǵady. Sondaı-aq, Birjannyń anasynyń rólinde Bashqurtstan Respýblıkasynyń halyq ártisi, operalyq ánshi Svetlana Arǵynbaeva somdaıdy.
Jalpytúriktik jobanyń rejısseri - budan buryn «Kóruǵly», «Alpamys» spektakliniń qoıylymyn jurtshylyqqa pash etken azerbaıjandyq rejısser Eflatýn Nımetzade. Qazaqstannyń eń tanymal kompozıtorynyń biri M. Tólebaevtyń «Birjan-Sara» operasy tamasha óner týyndylarynyń biri, bul atalǵan jobaǵa qatysatyn ár elderdiń kásibı mýzykanttarynyń birlesken jumysynyń jemisi. «Birjan-Sara» operasynyń lıbretto mazmuny şynaıy tarıhı oqıǵalarǵa negizdelgen.
Kórnekti aqyn, kompozıtor Birjan sal Qojaǵulov pen Sara Tastanbekova arasyndaǵy kúrdeli de tereń mahabbatqa negizdelgen etıkalyq stılde oryndalatyn, kórermen nazaryna usynylatyn «aıtys» óneri áserli áýenmen tyńdarmandaryn eliteri sózsiz.
