5 sáýir. Tulǵalar týǵan kún
Búgin, 5 sáýir kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
53 jyl buryn (1972) QR Densaýlyq saqtaý mınıstrligi Qoǵamdyq densaýlyq saqtaý ulttyq ortalyǵynyń basqarma tóraǵasy Aıjan Serikbaıqyzy ESMAǴAMBETOVA dúnıege keldi.
1997 jyly Almaty memlekettik medıtsınalyq ınstıtýtyn gıgıena, sanıtarııa, epıdemıologııa» mamandyǵy boıynsha bitirgen. 2018 jyly Innovatsııalyq Eýrazııa ýnıversıteti jáne Management marketing university oqý ornyn támamdaǵan. «Áleýmettik gıgıena jáne densaýlyq saqtaýdy uıymdastyrý» mamandyǵy boıynsha joǵary biliktilik sanatqa ıe.
Eńbek joly: 1990-1991 jyldary Almaty qalasyndaǵy №7 emhananyń dáriger-feldsheri, 1997-2004 jyldary Respýblıkalyq sanıtarlyq-epıdemıologııalyq stantsııanyń epıdemıology, bakterıolog, asa qaýipti ınfektsııalar zerthanasynyń meńgerýshisi, 2004-2013 jyldary jetekshi maman, bas maman, sarapshy, bas sarapshy, quqyqtyq jáne kadr jumysy bóliminiń bastyǵy, Sanıtarlyq-epıdemıologııalyq qadaǵalaý komıteti tóraǵasynyń orynbasary - Qazaqstan Respýblıkasynyń bas memlekettik sanıtarlyq dárigeriniń orynbasary bolyp qyzmet atqarǵan. 2013-2014 jyldary Densaýlyq saqtaý mınıstrligi Memlekettik sanıtarlyq-epıdemıologııalyq qadaǵalaý komıtetiniń tóraıymy, QR bas memlekettik sanıtarlyq dárigeri, 2014-2017 jyldary epıdemıologııalyq qadaǵalaý departamentiniń dırektory - tutynýshylardyń quqyqtaryn qorǵaý agenttiginde QR bas memlekettik sanıtarlyq dárigeriniń orynbasary, QR Ulttyq ekonomıka mınıstrligi tutynýshylardyń quqyqtaryn qorǵaý komıtetindegi epıdemıologııalyq qadaǵalaý departamentiniń bastyǵy – QR Bas memlekettik sanıtarlyq dárigeriniń orynbasary, 2017 jyly QR Densaýlyq saqtaý mınıstrligi Strategııalyq damý jáne qoǵamdyq densaýlyq saqtaý departamentiniń dırektory, 2017-2020 jyldary QR Densaýlyq saqtaý mınıstrligi Qoǵamdyq densaýlyq saqtaý saıasaty departamentiniń dırektory, 2020 jyly QR Memlekettik bas sanıtarlyq dárigeri, 2020-2022 jyldary QR Densaýlyq saqtaý mınıstrligi Sanıtarlyq-epıdemıologııalyq baqylaý komıtetiniń tóraıymy laýazymyn atqarǵan.
2024 jyldyń jyldyń tamyz aıynan bastap qazirgi qyzmetinde.
47 jyl buryn (1978) Qazaqstan Respýblıkasy Ulttyq bankiniń tóraǵasy Tımýr Muratuly SÚLEIMENOV dúnıege keldi.
2000 jyly S.Toraıǵyrov atyndaǵy Pavlodar memlekettik ýnıversıtetin «áleýmettik saladaǵy ekonomıka jáne menedjment» mamandyǵy boıynsha aıaqtaǵan. 2002 jyly Merılend ýnıversıtetin (AQSh) bitirgen, «qarjy jáne marketıng» mamandyǵy boıynsha bıznes magıstri. 2006 jyly S.Toraıǵyrov atyndaǵy Pavlodar memlekettik ýnıversıtetinde «quqyqtaný» mamandyǵy boıynsha bilim alǵan.
Eńbek joly: 1999-2000 jyldary Pavlodar qalasy №3 otbasylyq-dárigerlik ambýlatorııasynda ekonomıst-menedjer, 2002-2006 jyldary Almaty qalasynda «Ernst end ıAng Qazaqstan» aýdıtorlyq kompanııasynda aǵa konsýltant, 2006-2009 jyldary «QazMunaıGaz» Barlaý Óndirý» AQ Salyq esebi jáne salyqtyq josparlaý departamentiniń dırektory, 2009-2010 jyldary QR Ekonomıka jáne bıýdjettik josparlaý vıtse-mınıstri, 2010-2012 jyldary QR Ekonomıkalyq damý jáne saýda vıtse-mınıstri, 2012-2016 jyldary Eýrazııalyq ekonomıkalyq komıssııanyń ekonomıka jáne qarjylyq saıasat jónindegi Alqa múshesi (mınıstr), 2016-2019 jyldary QR Ulttyq ekonomıka mınıstri laýazymyn atqarǵan. 2019 jyly QR Ulttyq banki tóraǵasynyń orynbasary (2019), sol jyly QR Prezıdentiniń kómekshisi, 2019-2022 jyldary QR Prezıdenti Ákimshiligi Basshysynyń orynbasary qyzmetinde boldy. 2022-2023 jyldary QR Prezıdenti Ákimshiligi basshysynyń birinshi orynbasary qyzmetinde boldy.
Qazirgi laýazymyn 2023 jyldyń qyrkúıeginen beri atqaryp keledi.
«Qurmet» ordenimen, «Eren eńbegi úshin», taǵy basqa medaldarmen marapattalǵan.
41 jyl buryn (1984) Batys Qazaqstan oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy Baqbergen Talǵatuly ÁBÝOV dúnıege keldi.
Batys Qazaqstan oblysynda týǵan. M.Ótemisov atyndaǵy Batys Qazaqstan memlekettik ýnıversıtetin «Tarıh jáne geografııa» mamandyǵy boıynsha, Oral eńbek jáne áleýmettik qatynastar akademııasyn «Quqyqtaný» mamandyǵy boıynsha bitirgen.
Eńbek joly: QR Іshki ister mınıstrligi Oral qalasy boıynsha Kóliktegi ishki ister basqarmasynyń qyzmetkeri (2006); Batys Qazaqstan oblysynyń jastar saıasaty máseleleri basqarmasynyń bas mamany jáne bólim basshysy; Batys Qazaqstan oblysy ákimi apparatynyń uıymdastyrý-baqylaý jumysy bóliminiń bas ınspektory; Aqjaıyq aýdany ákiminiń orynbasary (2022-2024).
2024 jyldyń sáýir aıynan bastap qazirgi qyzmetinde.
38 jyl buryn (1987) QR Strategııalyq josparlaý jáne reformalar agenttigi Ulttyq statıstıka bıýrosynyń basshysy Maqsat Qaıratuly TURLYBAEV dúnıege keldi.
Shyǵys Qazaqstan oblysynda týǵan
2008 jyly Qazaqstan menedjment, ekonomıka jáne boljaý ınstıtýtyn «Ekonomıka» mamandyǵy boıynsha, 2013 jyly Seýl Ulttyq Ýnıversıtetin «Bıznes jáne basqarý» mamandyǵy boıynsha bitirdi.
Eńbek joly: 2008-2011 jyldary QR Ekonomıkalyq damý jáne saýda mınıstrligi Investıtsııalyq saıasat departamenti Investıtsııalyq saıasat basqarmasynyń sarapshysy , bas sarapshysy bolyp jumys istedi. 2011-2016 jyldary QR Ulttyq ekonomıka mınıstrligi Memleket mindettemelerin basqarý jáne qarjy sektoryn damytý saıasaty departamenti Memleket mindettemelerin basqarý saıasat basqarý basqarmasynyń bas sarapshysy, basshysy, 2016-2020 jyldary Pavlodar oblysy ákiminiń apparaty Pavlodar oblysy Ekonomıka jáne bıýdjettik josparlaý basqarmasynyń basshysy, 2020-2021 jyldary Pavlodar oblysy ákiminiń apparaty Pavlodar oblysy qarjy basqarmasynyń basshysy, 2021-2022 jyldary QR Prezıdenti Ákimshiliginiń Basshysy Hatshylyǵynyń ınspektory, 2022-2023 jyldary QR Strategııalyq josparlaý jáne reformalar agenttiginiń Ulttyq statıstıka bıýrosy basshysynyń orynbasary qyzmetinde boldy.
Qazirgi qyzmetin 2023 jylǵy 17 qarashadan bastap atqaryp keledi.
«Eren eńbegi úshin» medalimen marapattalǵan.
89 jyl buryn (1936-2020) – Qazaqstannyń til ǵylymy salasyndaǵy áıgili akademık Ómirzaq AITBAEV dúnıege kelgen.
Ońtústik Qazaqstan oblysynyń Túrkistan aýdanynda týǵan. S.M.Kırov atyndaǵy Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıteti) támamdaǵan.
Eńbek joly: 1959-1962 jyldary «Sotsıalıstik Qazaqstan» gazetiniń ádebı qyzmetkeri, 1962-1999 jyldary Qazaqstan Ǵylym akademııasy Til bilimi ınstıtýtynyń kishi, aǵa, bas ǵylymı qyzmetkeri, bólim meńgerýshisi, 1995-1996 jyldary Qazaq memlekettik qyzdar pedagogıkaq ınstıtýtynyń professory, 1997-1998 jyldary Q.A. ıAssaýı Halyqaralyq qazaq-túrik ýnıversıtetiniń professory bolyp qyzmet atqarǵan. 1999 jyldan «Qaınar» ýnıversıtetiniń qazaq tili jáne ádebıet fakýltetiniń, fılologııa fakýltetiniń dekany, QR Bilim jáne ǵylym mınıstrligi Til bilimi ınstıtýtynyń Termınologııalyq ortalyqtyń dırektory qyzmetterin atqarǵan. 1989 jyly «Qazaq tili» halyqaralyq qoǵamnyń vıtse-prezıdenti bolyp saılanyp, 1996 jyly birinshi prezıdenti, 2004 jyly prezıdenti boldy.
«Qurmet», «Parasat» ordenderimen marapattalǵan.