5 sáýirge arnalǵan aýa-raıy boljamy
ASTANA. 4 sáýir. QazAqparat - Qazaqstannyń basym bóligi áli de antıtsıklonnyń yqpalynda qalýda, soǵan baılanysty jaýyn-shashynsyz aýa-raıy kútilýde, keı jerlerde jel kúsheıip, batysta shańdy daýyl turady. Bul týraly Qazgıdrometke silteme jasaı otyryp, QR TJM-niń baspasóz qyzmetinen habarlady.
Tek elimizdiń soltústigi men shyǵysynda atmosferalyq aǵyndardyń ótýine baılanysty keı jerlerde jaýyn-shashyn jaýyp, tuman túsýi yqtımal.
Ońtústik Qazaqstan, Batys Qazaqstan oblystarynda, kúndiz Aqtóbe oblysynyń birqatar aımaqtarynda 15-20 m/s-qa deıin jel kúsheıedi.
Manǵystaý, Atyraý oblystarynda, kúndiz Qyzylorda oblysynyń birqatar aımaqtarynda jeldiń jyldamdyǵy 15-20 m/s-qa jetip, shańdy daýyl turady dep kútilýde.
Jambyl oblysynda keı jerlerde tuman, jel 15-20 m/s-qa deıin kúsheıedi.
Qostanaı, Shyǵys Qazaqstan oblystarynda túnde keı jerlerde tuman túsip, kúndiz jeldiń jyldamdyǵy 15-20 m/s-qa jetýi yqtımal.
Pavlodar, Soltústik Qazaqstan oblystarynda túnde keı jerlerde kúndiz jeldiń jyldamdyǵy 15-20 m/s-qa jetip, Soltústik Qazaqstan oblysynda keı jerlerde tuman túsýi yqtımal.
Aldaǵy táýlikte respýblıkanyń batysy men ortalyǵynyń jekelegen ózenderinde (Jaıyq, Elek, Shaǵan, Bykovka, Derkól, Qosistek, Nura, Sherýbaı-Nura) kóktemgi sý deńgeıiniń kóterilýi jalǵasady. Soltústiktegi ózenderde kóktemgi úderister birtindep júredi.
Ońtústik, ońtústik-shyǵys jáne shyǵystaǵy ózenderdiń basym bóliginde sý deńgeıiniń aýytqýy baıqalady. Ertis ózeniniń ShQO-daǵy bóliginde muzy erip, sý deńgeıiniń kóterilýi yqtımal.
