5 sáýirden bastap jol polıtsııasynda kólik quraldaryn tirkeý barysynda «anyqtama-esebi» qabyldanbaıdy

Qazaqstan Respýblıkasy Úkimetiniń 2009 jylǵy 26 qazandaǵy № 1672-shi qaýlysymen bekitilgen «Aýyl sharýashylyǵy mınıstrligi tirkeıtin kólik quraldaryn qospaǵanda, avtokólik quraldaryn tirkeý, qaıta tirkeý jáne nómirlik tirkeý belgilerin berý» memlekettik qyzmet kórsetý standartyna (budan ári - Standart) ózgerister engizildi, dep habarlady QR ІІM Jol polıtsııasy komıtetiniń baspasóz qyzmeti.

Standartqa engizilgen jańa túzetýlerge sáıkes «anyqtama-esebi» kólik quraldaryn tirkeýge negiz bolyp tabylmaıdy.

Osyǵan baılanysty qabyldanǵan sheshimge sáıkes 2011 jylǵy 5 sáýirden bastap, jol polıtsııasy bólinisterinde kólik quraldaryn tirkeý barysynda «anyqtama-esebi» qabyldanbaıdy.

Qazaqstan Respýblıkasynyń Azamattyq kodeksine sáıkes (4-taraý) kólik quraldary onyń ıeleriniń aýyzsha mámile nysanynda jasaýlary arqyly tirkelýi múmkin, ıaǵnı olarmen jasalatyn mámile kezinde nemese mámile jazbasha nysanda bolady (jaı nemese notarıaldy túrde).

Aýyzsha mámile nysany eger:

• 1) mámilege qatysýshylar (satýshy men satyp alýshy, syılaýshy men syıǵa alýshy);
• 2) mámilege qatysýshylardyń jeke jáne tirkeý ornyn kýálandyratyn qujattar;
• 3) kólik quralyna arnalǵan tirkeý qujaty bolǵan kezde múmkin bolady.

Aýyzsha mámile nysany negizinde kólik quralyn tirkeý úshin mámilege qatysýshylardyń turatyn orny bir óńirdiń aýmaǵynda bolýy qajet, munda tirkeý is-áreketteri bir tirkeý-emtıhan pýnktinde júzege asyrylady.

Jaı jazbasha mámile nysanyn (shartty) rásimdeý úshin, sondaı-aq:

• 1) mámilege qatysýshylar (satýshy men satyp alýshy, syılaýshy men syıǵa alýshy);
• 2) mámilege qatysýshylardyń jeke jáne tirkeý ornyn kýálandyratyn qujattar;
• 3) kólik quralyna arnalǵan tirkeý qujaty bolýy qajet.

Aýyzsha mámile nysany negizinde kólik quralyn tirkeý úshin mámilege qatysýshylardyń turatyn orny bir óńirdiń aýmaǵynda bolýy qajet, munda tirkeý is-áreketteri bir jol polıtsııasy tirkeý-emtıhan pýnktinde júzege asyrylady. Mámileni (shartty) rásimdeý Kodekstiń 152-babyna sáıkes mámile qatysýshylarmen júzege asyrylady.

Aýyzsha jáne jaı jazbasha mámile nysandary aqysyz negizde jasalatyn bolady.

Notarıaldy kýálandyrylǵan jazbasha mámilelermen (kólik quraldaryna qatysty) kólik quraldaryn tirkeý belgilengen tártipte qabyldanady.